Anson Lo曾為負評唔開心 學懂接受評頭品足變動力激勵自己

更新時間 (HKT): 2021.02.06 14:35

男子組合MIRROR成員盧瀚霆(Anson Lo)最近推出快歌《EGO》,眼見隊友近日陸續獲單飛出歌機會,Anson Lo當然不敢偷懶,雖然最近忙着拍劇集《大叔的愛》,不過他為拍好新歌的MV舞步,事前用足4日排舞,中途又試過跳到嘔,他笑說:「有種負苛唔到嘅感覺,我仲試過一氣呵成跳晒成隻舞,感覺好似跑馬拉松後好氣喘、完全唔想講嘢嘅狀態,呢一次嘅舞步可以話係入行以嚟最辛苦嘅一次。」

新歌今次講述遇上網絡欺凌及語言攻擊時,不要輕易放棄及灰心,鼓勵人與人之間要互相尊重及諒解,其實Anson Lo在入行初期,除了被熱烈討論過與男舞蹈員Ka Lok疑似曾經有過曖昧關係外,亦被網民質疑狂買點擊谷人氣,所以Anson Lo亦分享自己的睇法,他說:「其實入行前都會有呢個現象,最簡單喺中學時,大家都會評論邊個係靚仔,入咗行之後,接觸嘅層面多咗,自然會有更多嘅批評。坦白講,如果我話冇唔開心就呃你,與其沉溺喺畀人鬧嘅唔開心,不如諗個解決方法,點樣去做好啲、改善到咩程度,人哋先唔會再鬧。」他還說:「所以我用最舒服去處理網上評論,就係將評論化成動力。我明白每個人都有權利發表意見,做得呢一行更加要接受觀眾對自己評頭品足,一舉一動一定有人鍾意或唔鍾意,呢啲冇對與錯,但當表達自己意見同時學識多一份尊重同諒解,社會會更開心。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner