蔡瀾即席揮毫擺檔寫揮春 對聯贈鍾楚紅添福氣

更新時間 (HKT): 2021.02.06 16:11

79歲才子蔡瀾體魄壯健,工作不斷,早在3個月前手癮起隨心寫了不同揮春,展現書法藝術,於上月舉行為期4星期揮春展,今日親自到天地圖書踩場即席揮毫,滿足fans。

蔡瀾沒有統計今次揮春數量,定價由2千元起至1萬元,比起漫畫展價錢平得多,他對今次銷情滿意,並笑說:「賣完又再寫,擺檔寫揮春係我願望,仲可以賺到少少錢,今次好好有個瓦遮頭。」期間不少藝人前來撐場,包括紅姑鍾楚紅,黃宇詩、張家輝、蘇玉華,蔡瀾更送上對聯揮春給紅姑,他笑說:「鍾意嘅就盡量攞,舉手之勞。」至於好朋友倪匡,蔡瀾說:「佢都唔想行街,揮春送畀佢都懶得掛,我哋太好朋友,佢唔使買,仲買乜鬼呀。」不過在疫情之下蔡瀾與倪匡已一段時間沒有見面:「佢好少出門,身體OK,一日瞓足十幾個鐘,新年大家都會聚一聚。」

蔡瀾一直有搞飲食業,受疫情影響晚巿禁堂食,面對飲食冰河期嘆:「冇法,大家都一樣。」相關飲食業都交給內地人處理,幸好不會蝕錢:「雖然我只係畀個名出嚟,但好畀心機去經營品質控制。」喜歡工作的蔡瀾在疫情下步伐不停,不時拍片到網上分享生活情趣,吸納一眾fans互動。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner