爆相爆片 | 馮盈盈尖沙嘴遇交通意外慌失失 塞爆廣東道轉入停車場私了

更新時間 (HKT): 2021.02.06 17:59

港姐冠軍馮盈盈日前才被麥玲玲贈言有運行,想不到今日卻發生交通意外。《 蘋果》收到讀者「爆相爆片」,目擊馮盈盈今日下午約3時許,在尖沙嘴廣東道發生交通意外,她所駕駛價值60萬的Tesla靚車,撞向前面一部名車Bentley的車尾,穿上碎花裙戴上口罩的馮盈盈,及前車的男司機隨即下車視察情況,不過汽車損毀不算嚴重,而且兩人亦無受傷。

讀者CK Chung向《蘋果》透露馮盈盈撞車後表現慌張:「馮盈盈撞到前面架車之後,第一轉落車時唔記得戴口罩,所以一眼就認到佢,但好快就返上車拎番個口罩戴,現場啲人都認佢唔出,亦都冇人圍觀。見佢落車個樣慌慌張張咁,同個司機講咗幾句,因為馮盈盈架車停喺路中心,現場好塞車,後面啲車又狂『砵』,所以佢哋將車駛咗入隔離個停車場。」

由於讀者表示沒見到有交通警到場,而兩人之後亦駛離現場,估計是私下和解賠償問題,《蘋果》致電馮盈盈查問撞車經過,她僅回覆表示:「唔好意思,因為公司policy,唔方便回答,Sorry.」但馮盈盈其後極速接受傳媒訪問,自稱撞車後緊張到連口罩都忘記戴,自己座駕車牌裂開,對方車尾有花痕。馮盈盈在鼠年又執到尾彩,她稱對方車主是自己劇集fans,「私了價」是一張合照。

馮盈盈不只一次為座駕破財,去年中她將車泊在觀塘一處停車場門口後離開,其後發現座駕失蹤,曾慌張周圍搵車,事後發現汽車因違泊而被有關部門拖走。她亦試過邊揸車邊在IG開live,從元朗駕車到尖沙嘴全程35分鐘,雖然由助手負責揸機拍攝,但就被網民鬧爆開車分心罔顧交通安全。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner