姜皓文夫婦直播分享檳城美食 疫情所累冇得旅行望梅止渴

更新時間 (HKT): 2021.02.06 19:26

姜皓文(黑仔)和太太殷寧自從在馬來西亞檳城置入5,000呎豪宅後,只要有假期就會去檳城嘆世界,不過自武漢肺炎疫情蔓延後,已經多時沒再出埠。二人日前獲「檳城旅遊局」邀請拍攝直播節目,分享檳城的美食和文化,而除了拍攝節目外,黑仔夫婦正籌備寫旅遊書介紹檳城。

殷寧一直對檳城的美食和文化都很有研究,打算出書介紹檳城的景點、美食、情懷。黑仔笑說:「太太記性真係好好,唔單止記得有咩好嘢食,連價錢都仲記得,之前我哋返檳城都係佢做research,安排好每日帶我去唔同地方食好嘢,參觀唔同景點,最近佢仲寫緊本檳城嘅旅遊書。」

二人又分享檳城大熱的姊弟壁畫街,殷寧笑說:「如果冇喺壁畫街影相,就唔算去過檳城。壁畫街好多人排隊,好多車,檳城天氣又熱,最好就夜晚去影相,冇咁熱,一大班人任擺pose。」黑仔表示:「檳城實在有太多美食,今次直播只分享到小部份,係呢個去唔到旅行嘅時候,畀啲刺激大家,望梅止渴。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner