楊天命批今年疫情持續 香港經濟差移民人數增

更新時間 (HKT): 2021.02.06 06:00

著名堪輿學家楊天命眼見前年「逆權運動」令社會陷入撕裂的局面,其後又因為武漢肺炎肆虐,在林鄭處理不當的情況下,各行各業都叫苦連天;去年1月,楊天命冒風險向中共國家主席習近平上書進諫,從命理角度評論,要求盡快審視香港的領導班子能力,以解香港之困境,楊天命的精闢分析獲網民激讚。

2020庚子年處處危機,一年過去,牛年又如何呢?《蘋果》日前約了楊天命專訪,請他預測香港牛年運勢及個人去留問題。

香港地產唔使指望

問到今年香港運勢如何?楊天命表示:「每年會為香港卜卦,上半年經濟唔太好,因世界經濟仍然未恢復,2021年全球經濟影響仍然大,而香港所有行業都受影響,尤其係香港嘅地產唔使指望啦!太多人移民,最近朋友或客戶都問我,移民邊啲地方好?去到做乜才好?能否移民?同邊個地方比較夾?每個人都咁問,只要能夠承擔得起,佢哋都會離開,尤其係有仔女,如果啲仔而家係大概5、6歲,已經計劃帶佢哋走,為去嗰邊讀小學同中學。」

楊天命分析移民對地產的影響:「你想想咁多人移民,對地產嚟講,咁多移民貨(房子)會拋出市面,要消化呢啲移民嘅人啲樓,你估計消化一年,能否消化得到?係無法消化嘅,如果香港政治環境越來越收緊,越來越差嘅話,移民貨將會越來越多,所以地產市道當然會調整。不過都有客戶認為今年經濟差,樓價開始跌,問我趁現在買樓係咪好時機?我覺得唔應該趁現在買樓,因為移民貨要調整一兩年,所以唔使着急。」

他認為今年9月香港經濟才會有改善,因武漢肺炎影響,要等待疫苗普及便開始好:「咁多萬人要打疫苗,你想想要打幾多個月,要持續幾耐,之後最重要係每個人嘅心理狀態,大家對未來樂觀嘅話,先會捨得消費,但係好多人對疫苗,覺得會唔會有副作用,中國出品嘅會唔會差一啲,又或者原來暫時係未有效用,未度過第三期,有可能出現疫苗風波。」

疫情無法完結

問到疫情何時會完結?他說:「我在書中已寫了疫情無法完結,因為變了風土病,好似感冒一樣,你永遠無法殺滅呢個病菌,一段時間後,病菌會變種,因為如果只係一個地方嘅話,有可能完結,但係呢個病係全世界大部份嘅地方,包括印度、歐美都有,你認為佢哋可唔可以完全殺死呢個病菌?係冇可能嘅,只要一天通關嘅話,就有人感染肺炎,所以之後會變成風土病,係無法完結,但之後有疫苗嘅話,影響就開始減少,大家會開始習慣,有感染病例發生,戴口罩同洗手會成為習慣。」

2021年睇唔到會換特首

而林鄭抗疫不力,引起民怨沸騰,問楊天命林鄭今年會否有機會被換掉?他說:「卜卦出嚟2021年睇唔到會換特首,其實上年卜卦話佢2020年4月就應該落台,點知突然有個肺炎,之後如果換咗,邊個肯嚟做?無辦法下咪畀佢繼續做。至於2022年會唔會連任,就要出年先至可以再卜卦。」

對於中美之間緊張關係和台海局勢,不少人擔心今年會開戰,楊天命預測東西方國家,有機會擦槍走火,好大可能因台灣和南海問題引發:「西方國家嘅話,有可能係個聯盟,即係以美國為首嘅,英國、德國、包括日本,對抗東面嘅勢力。最有機會打仗,最早嘅話係1月,1月打唔成,最遲係8、9月份,如果發動戰爭,東面嘅勢力贏面唔大。但呢個戰爭係一定好快完結,半年內完。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner