林建明陪余慕蓮傾電話解悶

更新時間 (HKT): 2021.02.07 02:00
■林建明(右)表示曾與余慕蓮(中)通電話,得悉對方每一日都會練習進食及說話。互聯網圖片

現年83歲的余慕蓮(魚毛)去年11月因肺纖維化入伊利沙伯醫院ICU接受治療,有傳她患罕見血癌,由於細菌入肺,魚毛要進行換血手術及插喉助呼吸,情況一度危殆,幸經醫生搶救後情況已好轉,並已由ICU轉往九龍醫院醫治,但仍要插喉未能自行進食。

好友林建明(大姐明)日前接受《蘋果》訪問透露魚毛已可跟朋友傾電話:「佢入院時冇諗到係咁,點知一入去就成幾個月,又唔知乜嘢事又昏迷,佢接受唔到,所以咪喺度喊囉。」她續指魚毛仍然插緊喉難以進食:「個肺仲有啲喉管,同佢調理緊,大概每一日都畀佢練習食嘢同埋講嘢,佢有打畀我,同埋佢契細佬講佢情況,瞓咗喺度兩個幾月,佢就覺得好悶,想講嘢又唔係有機會講到,食嘢又食唔到,佢話有時想死,我話『唔怕!堅強啲,快啲出嚟過農曆年啦!』」

娛聞樂陪你走遍全球追星,即Like「娛果」FB 專頁!
BannerBanner