阮兒斬斷三年情與衛志豪分手 搬新居買桃花催運迎接新開始

更新時間 (HKT): 2021.02.07 14:53

白雲、阮兒、尹詩沛、林偉、關伊彤及Kawaii等今日到元朗參與凍肉店開張儀式。阮兒與男友衛志豪經歷不少風雨,早前阮兒接受大台訪問曾表示因身體較弱,過往兩三年一直受「生蛇」困擾,更曾「一年裏面生咗十幾次蛇」,最終要打防蛇針,花費逾兩年時間康復。而在阮兒養病期間,男友衛志豪一直陪伴在側為她打氣,更指「我覺得喺我咁唔靚、咁冇自信嘅時候,佢都會喺我旁邊鼓勵我,所以我好感激佢!」

不過阮兒今日現身時卻透露近日忙搬屋事宜,似暗示跟衛志豪感情生變。當問到下周日是否過赤口多於情人節?她點頭說:「係囉。」然後承認將會單身過情人節。她表示已經分開一段時間,不涉及第三者,她說:「暫時分開,將來嘅事唔知。我都習慣一個人,身邊有好多朋友同忙工作。」當提議她買桃花過新年,她哈哈大笑指要買10棵才夠,因為做幕前要多人緣。3月份將接拍新劇與譚凱琪演同性戀,今次經已是第2次演同性戀角色,據她所知沒有親吻鏡頭,她說:「今次角色有啲變態,我都好期待。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner