馮盈盈暗寸前度閃娶「翻版徐子淇」 擇偶唔要醫生:閃婚實出事

更新時間 (HKT): 2021.02.07 14:19

馮盈盈(FYY)與醫生舊愛鍾文浩結束4年情後,舊愛與拍拖只有數月的「翻版徐子淇」黃潁妍閃婚,FYY在節目中談及嫁個有錢人時,直言擇偶不再要醫生,又指「閃婚實出事」,似暗寸前度,她同時強調靠自己工作不靠另一半,反駁一向指她釣金龜的傳言。

擔任嘉賓的堪輿學家麥玲玲,指律師職業最易找見客作為外出藉口,而固定工作的公務員、醫生等最穩陣。馮盈盈聞醫生二字隨即反應甚大,並掉下手上的道具大叫:「醫生,唔要呀﹗嗰啲咩on call 360喎!真係激到我!」主持之一的陸浩明(6號)取笑FYY可以找獸醫,會減少急診。而麥玲玲則解釋,其實見過很多醫生專注在診所工作搵錢,太太主要外出玩樂,是好丈夫人選。

麥玲玲又解釋,有錢人要求嫁入豪門的媳婦不拋頭露面工作的原因,FYY則反駁:「我真係接受唔到,如果同我差唔多年紀嘅人,而家嫁咗老公,決定辭職唔做,日日留喺屋企等老公放工同相夫教子,我真係接受唔到,佢有佢嘅諗法,我覺得太過浪費咗自己價值,呢個年代公一份婆一份,兩個一齊做嘢會好啲。就算嫁到個好老公可以養起你,生活唔使憂,但係轉頭有啲咩發生好難講,要確立自己價值,唔好畀佢覺得都係靠佢,隨手將我掟埋一邊。」麥玲玲立刻指出FYY這想法是未曾真正接觸有錢人,但同時認同FYY靠自己屬好事,二人都認為不工作活像廢人,會自覺不開心。麥玲玲透露一名富豪客人曾向她表示,嫁入豪門有3項必要條件:「靚屬必需,一代醜新抱,十代醜兒孫,新抱唔靚溝落去,連續十代都醜樣。學歷係嫁妝,簡單要讀到士,讀到博士就多咗,拋頭露面真係唔鍾意,要不得。」

FYY在節目中請教麥玲玲:「我想問吓點樣可以令鍾意我嘅男人唔想同我結婚?點解對我有意思嘅人都好想同我訂終身。」麥玲玲指男人這話不可信。FYY說:「開頭我信晒太天真!」麥玲玲續說:「男人只係想表明自己認真,真係想結婚嘅係唔會講出嚟,會反覆思量。」麥玲玲又提到通常閃婚必然會出事,FYY認同說:「係,閃婚實出事。」

作為嘉賓的麥玲玲在節目中亦有分享自己的戀愛經歷,她形容自己是老人家,拍拖保守,交往數月才會接吻,拍拖分5階段「拖、攬、錫、摸、搞」,6號問麥玲玲是否婚後才進入第5階段?玲玲說:「好多嘢都要了解,錯配咁點算,我一向係好前線,仲有人咁傳統嘅咩!」麥玲玲不肯透露拍拖次數,她說:「我哋拍拖定義同你哋後生唔同,我哋老人家,追求柏拉圖式戀愛,你哋就郁啲行上張床度。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner