後悔太遲離無綫

更新時間 (HKT): 2021.02.08 02:00
■曾配《反斗奇兵》的東東在YouTube channel分享配音技巧。互聯網圖片

張預東青春期曾誤入歧途,幸得資深配音員謝月美提攜加入配音界,配過《反斗奇兵》(Toy Story)系列的安仔等角色。前後在無綫工作22年的東東上月初宣佈裸辭,只因他有感「一個人改變唔到TVB,TVB都改變不了我」而決定外闖。有指資深配音員年薪可達百萬元?東東笑說:「Chur到盡兩、三年,接近一百萬,但未到。嗰時我同做四份工冇分別,TVB正常工作,第二份係幫TVB寫配音稿,仲有廣告同接啲出面嘅工作,都辛苦㗎。」

近年無綫不斷裁配音員,東東說:「合作開嘅同事冇晒,一啲管理層或行政嘅人唔識製作就去干預製作。」現時收入減少,但東東不想為錢而失去自己:「我已經後悔,應該早啲走!」不過東東拒絕食回頭草:「我諗有機會都未必會做(配音),走得就預咗重頭嚟過。其實出面好低人工。」東東不介意由低做起,想過進修、揸的士,近日還做YouTuber拍片,相信天無絕人之路。

娛聞樂陪你走遍全球追星,即Like「娛果」FB 專頁!
BannerBanner