姚琰欣自揭生活所迫承攬另類生意 陪拜年收2000元利是五五分賬

更新時間 (HKT): 2021.02.08 15:40
姚琰欣在Facebook貼出另類生意價目表,一時貪玩否認財困。(Facebook圖片)

𡃁模姚琰欣(Bonnie)日前在Facebook出帖文,寫着「本人因生活所迫,趁過年拼賺錢,擴大營業承攬以下服務」,服務範圍列出有18項之多,包括:貼揮春、打掃、陪看電影、陪聊天、陪喝酒、陪拜年、陪見爸媽等,每項各有不同的價錢,最平200元,最貴2000元,陪喝酒每小時收1000元,陪見家長收費2000元,更標明事後若感到壓力要多收5000元,陪拜年都是收2000元,利是就五五分賬。如客人先付訂金,可享9折優惠,有網民留言表示有興趣。

不過,之後姚琰欣在社交平台更新狀態,表示之前的帖文不是認真:「大家唔好咁認真,我冇咁好心機打嗰篇嘢,篇嘢我都係見人po ~ 我開玩笑po吓,我有咁好心機打字不如尊(專)心做下直播,大家唔洗(使)擔心,我還沒財困。」自知玩出禍就變得驚青,其後她再貼公仔圖:「你失眠不是很正常嗎?又沒有賺到錢,又沒有男朋友,能睡着才怪。」她揶揄:「分享呢個會唔會上新聞?好驚。」

姚琰欣接受《蘋果》電話訪問否認做另類生意賺錢:「我見朋友Po我又玩吓啫,Delete咗啦﹗唔係真㗎,平時我成日都講笑,大部份我嘅FB朋友都知我成日講笑,估唔到有人當真。我嘅經濟情況未到咁差,都唔會咁大膽,上面出嘅嘢我都做唔到,我唔識打掃㗎﹗最多只可以貼揮春。唔敢再玩啦!好彩屋企人睇唔到。」她表示幸好沒有人認真相信而問價:「冇人問,個個都知唔係真,白痴先當真。」

姚琰欣曾推出寫真集,拍過電影《一路向西》,參與ViuTV節目《對不起 標籤你》、《我說過要你快樂》。現時疫情下,未能如願再推出寫真集,主力網上做直播,自言收入本月約有5位數字,暫時仍可以維生:「收入都幾可觀,一個月收5位數字,但唔穩定嘅。都夠使,而家都冇乜地方要去,直播有時又會有贊助。」早前有電影斟洽,但因為要她全裸拍攝,最終未傾片酬已拒絕,她指自己三點不露,這套戲已過自己性感底線。

玩直播了一段時間後,姚琰欣儲到一班支持者,她表示曾在一個平台直播儲到9萬多粉絲:「我見有啲人好勤力開Live,會做8個鐘,我都只係開2-3個鐘。」因經常性感打扮,間中都會遇到粉絲性騷擾:「初時唔識,隨便畀人㩒上嚟睇,而家就醍咗,所以再冇呢啲情況。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner