薛家燕聞TVB編劇確診即O嘴 馮盈盈回復單身搵「媒人王」Bob出手

更新時間 (HKT): 2021.02.08 18:18

薛家燕、林盛斌(Bob)、麥玲玲、馮盈盈、張秀文、衛志豪等,今日出席TVB節目拜神儀式,對於TVB一名男見習編劇初步確診武漢肺炎,家燕姐一聽到即O嘴,拿着消毒噴霧一臉愕然,家燕姐稱自己這幾天忙於錄節目,未有到公司寫字樓,就算在家中防疫意識也絕不鬆懈,一家人食飯會用公筷,今年農曆年亦改用電話或視像向長輩拜年,而馮盈盈指自己差不多每日做快速測試,確保自己及家人健康。

講到她早前疑似在《#後生仔傾吓偈》節目,寸醫生舊愛鍾文浩(Martin)閃婚,回復單身的馮盈盈稱沒這個意思,當刻言論僅是節目效果,她祝福舊愛Martin跟老婆甜蜜恩愛、年生貴子。

好友兼「媒人王」Bob在旁即拍心口,要幫馮盈盈物色對象,叫馮盈盈別擔心,馮盈盈笑言不抗拒阿Bob這種外形的對象:「好特別!我鍾意非主流。」

Bob指每年農曆新年大概要用6至7萬元封利是,講到玄學家鼓勵Bob再添丁,令財運更旺,Bob坦言目前四個小朋友已足夠:「呢個問題我同老婆都講過,佢話賺咁多錢做咩,生4個小朋友已經好多啦,唔可能再生,因為佢年紀都唔細,差唔多已經40歲,其實而家四個,我覺得好足夠啦!」

此外,Bob甜笑稱今年年初三是情人節,所以會抽時間陪老婆,他說:「我同佢已經係老夫老妻,上年12月,我哋結婚13周年,就紋咗一個好似戒指一樣嘅紋身,係我同老婆嘅一個愛的承諾。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner