衛志豪直認阮兒拋棄3年情 暗示女友拒婚:可能我做得唔夠好

更新時間 (HKT): 2021.02.08 15:24

33歲荷蘭籍中越混血兒阮兒,昨日宣佈甩拖回復單身,與衛志豪三年情玩完,聲稱不涉及第三者。二人早前同居試婚,阮兒曾在訪問中透露受「生蛇」困擾,「一年生咗十幾次蛇」,幸得衛志豪細心照顧,想不到二人最終爆出分訊,阮兒更指已分手一段時間,目前準備搬離愛巢,單身過情人節,而衛志豪被問分手一事,竟然一頭霧水,傳出他可憐「被分手」。

衛志豪今午回TVB開工,被問事前是否毫不知情、分訊是否早有共識,還是看報道才知道分訊?衛志豪解釋:「其實之前大家有講過,只係唔知佢幾時會向傳媒朋友講,大家已經傾過。」

對於三年情告終,衛志豪坦言以結婚為前提:「當然會難過,已經3年!我自己係有諗結婚嘅!咁呢個唔係主要分手原因。每個時間會做唔同嘅嘢,又會覺得呢個時間應該做其他嘢,而家timing唔啱,可能我做得唔夠好。佢有呢個決定,我哋都研究咗一段時間。冇辦法啦!既然佢決定咗,就要尊重佢呢個決定,佢有咩需要,我都會盡量配合,大家冷靜吓、努力工作……第時可以再一齊。」被問到分手原因,衛志豪未有正面回應:「原因嚟講仲係了解當中。」

問及有沒有機會復合,衛志豪斬釘截鐵地說:「暫時嚟講係一定要分開吓,將來嘅事好難講,唔知有冇再喺埋一齊,有可能會,亦有可能唔會,我暫時唔知,咁再見都係朋友嚟,祝福佢搵到佢想要嘅嘢。」

講到外界對他跟阮兒分手感到意外,衛志豪一再表明尊重阮兒的決定:「現在這個時間,大家都要努力工作,有啲想要嘅嘢都要努力去搵,可能佢覺得而家分開吓…比較…我係男人,佢有呢個決定,我會祝福同尊重佢,如果佢有咩需要幫忙,我都會幫佢。」衛志豪又指今年農曆年不會去拜年,反而他會跟朋友騎電單車兜風「行大運」,亦習慣每年去花市買桃花。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner