狗仔出更丨袁詠儀跑馬地兩頭騰辦年貨 張智霖單手插袋最緊要型

更新時間 (HKT): 2021.02.09 06:00

張智霖(Chilam)跟老婆袁詠儀(靚靚)早排雙雙返大陸拍戲做直播接綜藝,密密賺錢準備過肥年。夫婦兩人早前已返港,並完成隔離可以自由活動。前日《蘋果》記者發現Chilam夫婦快閃跑馬地辦年貨,全程僅15分鐘,果然是現代繁忙都市人。

前日下午約5時30分,Chilam載着老婆靚靚開車到跑馬地,中途放下靚靚,他再去搵咪錶位泊車。靚靚落車後即快步行入一間花店,但沒有四圍參觀,一會Chilam就出現,靚靚就直接搵店主,用手比劃高度,位置約在比她的肩膊高一點點,看來是想買起碼要5呎高的植物,見他們聊了幾句之後,靚靚和Chilam似想轉身離開,隨即被老闆娘叫住,之後就帶着兩人去到後巷,原來後巷也放了幾個貨架的年花盆栽,店員拉開圍起來的帆布讓靚靚揀貨,大約8分鐘後,二人回到店內再跟店主說了幾句話便離開。

兩人離開花店後,心情看似不錯的靚靚又再快步行去街市,穿過人群行入一間雜貨舖,Chilam就在外邊等着,靚靚問了事頭婆一句就轉身走,估計是沒賣她想要的貨,臨走時靚靚還揮手講拜拜,應該是買慣買熟。之後她跟着Chilam行去泊車處,全程不超過15分鐘,靚靚臨上車時還跟記者講新年快樂,認真有禮貌。

另外,靚靚昨日在社交平台晒出一張跟老公Chilam的合照拼圖,慶祝結婚20周年紀念,她留言:「人生漫漫、愛久彌新。」至於Chilam就在IG分享收到朋友送的蛋糕,感謝友好們的心意和祝福。49歲靚靚跟同齡Chilam於2001年於美國註冊結婚,育有現年14歲獨子Morton。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner