溫碧霞留大陸半年搵人仔 返港見老公重拾初戀感覺

更新時間 (HKT): 2021.02.09 15:49

溫碧霞(Irene)近半年在內地工作,近日為了回港過年推掉不少工作,但她也覺值得,今日她到新城電台接受訪問時說:「已經有半年冇返香港,真係好掛住屋企人,覺得好似小別勝新婚,返到嚟好開心,內地工作係好充實,但家人係最重要。」Irene透露月尾便返內地,拍攝電影《731》及一些綜藝節目,5月才回港拍攝由她工作室製作的《我們的18歲》,電影是真人真事改編,令她回想起小時候因反叛而離家出走,被星探發掘才訂立當個出色演員為目標,這夢想至今也沒有改變。

新一年工作密麻麻,Irene坦言十分感恩,問到老公可會投訴?她笑說:「佢冇呀,我返嚟佢都好開心,因為一段時間嘅離開,我哋關係就好似新婚咁,有初戀嘅感覺,因為太少機會見,我哋都會珍惜一切。」至於問到推掉工作回港過年,是否損失慘重?Irene說:「其實呢半年已經好充實,已經做咗1年嘅工作,見到啲粉絲好熱情,仲會開心到喊,我好滿足。」

至於提到早前在互聯網發放一段在豪宅騎馬的片段,被網民批評炫富,Irene解釋說:「嗰間屋唔係我㗎,嗰度係我喺杭州拍嘢時一個老闆嘅別墅,有粉絲知我鍾意馬,所以就運咗隻馬嚟,我冇屋喺內地㗎。我又冇唔開心嘅,流言蜚語都慣咗,當娛樂新聞睇,大家睇得開心就OK。」

新年將至,Irene的願望是疫情盡快過去:「見到大家冇晒自由、冇得出街食飯,食飯都要分開坐,好sad,希望全世界嘅疫情都快啲過,開心健康。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner