鄧兆尊畀150萬家用照顧3C女友 師傅請纓作法邀祥嫂上嚟「一家團聚」

更新時間 (HKT): 2021.02.09 16:51

鄧兆尊與電玩達人林慧韡(達哥)主持網台節目《今晚有牌打》,最近邀請林文龍、古明華及法科師傅七仙羽做嘉賓。3位嘉賓和兆尊邊打牌邊聊天,達哥負責旁觀兼做主持。

原來七師傅跟兆尊媽媽祥嫂(洪金梅)稔熟,她聲稱若有機會,希望作法請祥嫂現身一家團聚,兆尊笑問:「請佢上嚟?你有冇諗過我想唔想同佢一家團聚?不過師傅你咁有誠意,就安排吓啦!」

七師傅全場目標放在兆尊身上,縱然中途多次被打斷話題,被要求讓其他嘉賓成為核心,但她最後話題都扯回到兆尊,七師傅說:「我覺得尊尊係好吸引我,因為我一直好想知究竟佢有幾多錢。因為好多人見到佢就想知佢有幾多錢,除咗知佢3個老婆啦!」

眾所周知,兆尊有3位紅顏知己Carmen、Cherry及陳小姐,七師傅單刀直入問:「你每個月畀幾多錢你3個老婆?」一句就被嚇窒的兆尊坦言︰「咁辣㗎!我唔係每月畀,係每年畀,我哋係長期合約嚟!1年50、60萬到咁啦!每一房。」七師傅追問:「畀完有啲咩要做㗎?」兆尊隨口便說:「冇咩要做,喺我屋企得㗎喇!做啲基本嘅嘢,煮吓飯,除咗嗌交之外咩都可以做。」

七師傅續問如果買iPhone、禮物,甚至飲食方面?兆尊豪氣地說:「iPhone之嘛,壞咗咪買囉!食得幾多,唔係好多㗎啫!」七師傅計算着1年150萬家用,以兆尊的身家來說並不算多,兆尊即澄清自己並不是太富有,七師傅卻踢爆他:「你食利息都唔少啦?」兆尊笑說:「我食飯(錢)都未夠,點可以食利息。我屋企最多泥,即係磚頭,對到錢至係錢,嗰啲係cash,我冇咁多cash。」

七師傅先讚兆尊聰明,然後又問:「冇可能要包養畀咁多錢,鋪鋪清係咪抵啲?」林文龍即帶笑搶答:「佢Daddy叫慈善伶王,佢叫慈善羚羊,所以好抵得諗,為咗社會,唔係為一己私慾。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner