樂易玲避談死敵余詠珊去留 預告曾志偉初一蒲頭交代

更新時間 (HKT): 2021.02.09 18:30

ViuTV極速冒起,威脅到節目質素和收視皆每況愈下的TVB。為挽回頹勢,早前爆出TVB新主席許濤,急召表忠老將曾志偉和王祖藍回巢,曾志偉擔任TVB副總經理兼行政委員會特別顧問,王祖藍則擔任首席創意官。「阿姐」汪明荃曾經放話叫TVB人和平合作,不要搞山頭文化,不過曾志偉死敵余詠珊掌管綜藝科,就被指地位凌駕掌管戲劇科的曾勵珍及掌管藝員部的樂易玲,事實上TVB山頭處處火。

傳出跟余詠珊不和的樂易玲,今日在將軍澳電視城出席活動時,被追問余詠珊去留問題?樂易玲自言只關心自己的事:「嘩!問我呢啲?佢(余詠珊)都話志偉係佢師傅,佢哋都有傾節目內容。」重點是否要整頓綜藝部?她說:「唔係整頓,其實係大家都想做得更好,志偉提出好多新Idea。」

樂易玲透露曾志偉昨天正式回歸,上班首天已經和高層開會,提出的意見亦得到大家讚好及支持,之後他會再跟各部門見面,她說:「佢噚晚開會開到連飯都冇時間食,我收工走時佢都未走,今朝10點已經返咗公司開會。」對於有傳何麗全被曾志偉召回幫手,以及綜藝節目被批無新意,樂易玲表示:「等志偉年初一出嚟見到大家再講啦!」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner