周子揚擲百萬創立香港首個短片app 招攬藝人加盟創商機

更新時間 (HKT): 2021.02.09 18:20

周子揚投資7位數字,創立短片app並命名為「民間代言人」,今日在沙田舉行發佈會,出席嘉賓包括薜世恆、蘇慧恩等。

周子揚表示今次花了一年時間籌備,他說︰「做生意等於一腳踢,自己做埋打雜洗廁所、執嘢,就連舞台嘅一條線都係自己買。剛起步多謝好多藝人朋友支持,又請教薜世恆做生意,自己構思到成立用咗一年時間,之前行街見到成條街冇生意,而藝人嘅夢想係做代言人,所以諗咗呢個平台加啲娛樂元素。」

周子揚認為香港不容易接受新事物,但短片在全球已經普及,希望香港有自己的短片平台,他說:「而家平台有60、70個藝人,包括楊思琦、吳國敬、陳蕊蕊、張致恆等,開台唔會牟取暴利,最緊要有得做。有邀請薜世恆入股,佢有做生意經驗之餘,亦好欣賞佢,希望半年至一年能夠回本。」

薜世恆表示,已經填申請表格入股周子揚的短片app。薜世恆指過去一年的工作被疫情打亂,他正籌劃新的生意,他說︰「喺影視方面嘅內容會有自己嘅製作團隊,製作關於藝術嘅短片。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner