岑潔儀搣甩「地獄廚神」稱號 煮名菜大宴親朋

更新時間 (HKT): 2021.02.09 17:21

岑潔儀在2012年與馬來西亞富商Dixon結婚,婚後育有兩名兒子,一直相夫教子,減少幕前演出。今日,她在上環亮相好友許嘉浩的網上直播節目,炮製盆菜賀新春。

最近,曾被封為「地獄廚神」的岑潔儀在網上開設一條飲食頻道,她笑指隨着年齡的增長,生完小朋友和因疫情的關係,廚藝變得不一樣,「好希望煮到好出名嘅餐廳嘅名菜,我鍾意食嘢,然後買返屋企試煮,我老公從來都唔讚我,但最近學整椒鹽鮑魚,佢話好OK,食完冇再肚痛,哈哈哈,我而家真係出得廳堂入得廚房喇!」

岑潔儀透露最近甩拖的阮兒,昨晚亦在她家中作客,「7個人,我煮8道菜,我真係覺得自己好叻,食晒,佢哋畀99分我,仲有1分可以進步。」對於阮兒與衛志豪分手,岑潔儀指阮兒心情已平服,「佢好開心呀,其實都唔係最近嘅事,噚晚成班好朋友食團年飯,希望大家送舊迎新,希望有個新開始,作為佢嘅朋友,佢咩決定我一定支持,因為我老公,係佢介紹我識,佢係我嘅媒人,所以我都會幫佢物色好嘅男士,同埋佢咁靚女,身材又咁好,唔怕啦,排到對面海,同埋佢嘅性格好直爽,啲男人會鍾意呢類型嘅女仔。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner