陳婉婷《家務戰場》被迫照顧天敵大狗 貝依霖連熨斗都唔識用 Kathy仔搞喊細路

更新時間 (HKT): 2021.02.10 10:31
(電視截圖)

ViuTV真人騷節目《家務戰場》,今晚去到第7集,6位「世界級港女」貝依霖(Chantale)、馬俊怡(Rose Ma)、伍詠詩、王頌茵(Kathy仔)、陳婉婷(Hebe)及邱晴,在今集分別接受挑戰照顧長者、小孩及小動物,對照顧自己也有缺失的6女而言,顯得相當有難度。

詩詩與Chantale負責照顧婆婆,Chantale替婆婆更換牀單、洗碗、熨衫,但Chantale連熨斗也不懂用,要請教婆婆如何入水。而詩詩更要替婆婆洗腳及按摩,詩詩表示:「同婆婆相處咗幾個鐘其實過程係開心嘅。」

而邱晴要與Kathy仔同一時間照顧3位小朋友絕非易事,二人顯得難以控制自己情緒,其間更遇上小孩爆喊。邱晴表示:「由唔熟教到熟,要幾個鐘令佢哋信任係好難。」

Rose Ma和天生害怕與小動物接觸的陳婉婷,獲編排照顧活躍大狗,陳婉婷感到手足無措,初見到大狗已全身僵硬兼後退,她說:「今次係我人生最大挑戰,已着咗長褲、手套、面罩及眼鏡,希望少啲接觸,媽咪話我細個時唔驚,但曾俾狗追過,所以就驚。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner