張惠雅長洲餐廳拒逼食客嘟安心出行 寧願繼續唔做晚市堂食

更新時間 (HKT): 2021.02.10 19:59

武漢肺炎第4波疫情漸平穩,食物及衞生局局長陳肇始今日表示,如年初七(18日)前疫情平穩,將於年初七起有條件放寬社交距離措施,包括食肆4人堂食至晚上10時,惟強迫食客要嘟安心出行二維碼或登記個人資料,而且所有員工都要檢測,違者停晚市堂食3-14日,場所負責人亦可被罰5萬元和監禁半年。

在長洲開餐廳的前組合HotCha成員張惠雅(Regen),寧願停晚市堂食少做生意,都不想逼食客嘟安心出行,她以短訊回覆《蘋果》:「自己本身收錢都只係用計數機,加上個人都好怕煩,最怕啲科技嘢,平時又係一個人喺舖做到死咁,自己仲點幫人登記。自己都希望疫情快啲好,加上太唔穩定唔敢請人,呢段時間當畀自己休息,繼續唔做晚市堂食。」寧願賺少些,十分有性格。

除食肆有望初七重開晚市外,陳肇始指還會重開多項文娛康體場所,包括健身中心、戲院、美容院、主題公園、遊樂場所及遊戲機中心等,同樣要強制顧客掃安心出行二維碼或登記個人資料,開設party room的陳潔玲今日回覆《蘋果》:「其實我哋都未收到消息,而家都係靜觀其變,等政府通知,但係開得番門先算啦,我個人嚟講唔係好樂觀。」

而開設美容院的何弘軒則回覆:「我哋未有收到正式通知,都係啱啱記者會宣佈,可能喺未來呢1、2日,政府先會簽一份文件,正式宣佈可以開番,希望可以快啲開番喇。如果可以盡快開番舖,我哋都會盡量配合措施,亦都樂意配合。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner