Rose Ma騎犬剪腳板毛 Hebe克服心理障礙為狗抹Pat pat

更新時間 (HKT): 2021.02.10 23:41
Rosa Ma整個人騎上狗狗身上,才能為對方剪腳板底毛;而她與Hebe更要為狗抹pat pat,清走黐在毛上的便便。(ViuTV電視截圖)

ViuTV真人騷《家務戰場》今晚講到馬俊怡(Rose Ma)及陳婉婷(Hebe)被分派去照顧寵物,由於Hebe天生怕動物,所以她第一時間示意負責為貓狗煮晚餐,不過煮到雞手鴨腳,求其將雞肉和南瓜壓碎,及後放在煲內煮,但她竟忘了睇火,因過熱不斷冒煙,Hebe亦察覺不到,最後更煮到燶晒!Hebe忍不住大叫:「頂,點算呀?」其後在屋主協助下,Hebe終於克服對動物的恐懼,更大膽為狗狗抹「屎眼」,更與牠們合照,事後她說:「我諗真係一個奇蹟,我諗唔係拍呢個節目,我唔會主動去接觸動物。」

至於Rose Ma放完狗後,就要為狗狗修剪腳毛,但她先要讓狗趴在地上,可惜狗狗十分活潑,不停四圍走,搞到Rose Ma捉得好辛苦,她忍不住問:「佢會唔會太大隻呀?」更被小占笑她打摔角。最後Rosa Ma使出騎功——整個人騎在狗狗身上壓着對方,才能為狗狗修剪腳毛。事後Rose Ma表示:「我最唔想做係幫狗狗剪腳板底毛,因為真係好難,同埋我覺得好危險,難度係我要成個拑低佢,然後要同佢鬥智鬥力,我又好怕剪親佢。」幸好最後兩人順利完成任務。

之後她們會合其他4位隊員,挑戰鬥快換床單任務,她們分3組比賽鬥快,貝依霖(Chantale)明顯雞手鴨腳,更扯爛被袋,她笑說:「我啲指甲長,所以好唔鍾意換。」最後以6分01秒完成;伍詠詩和Hebe一組就相當合拍,而且有板有眼,效率又高,但可惜她們用了6分21秒;至於王頌茵(Kathy仔)和邱晴就最快,雖然Kathy仔換床單被鋪有點論盡,笑說:「搵被袋條拉鏈搵咗成分鐘都搵唔到!」但幸好有邱晴有協助,兩人最終用了5分28秒完成。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner