陸永家養6貓增運勢 雲文子教路養寵物催運大法

更新時間 (HKT): 2021.02.10 13:53

陸永踏入娛樂圈後篤信風水命理,還跟不少風水大師相熟,繼同堪輿學家麥玲玲friend到不得了,原來多年來陸永都會找雲文子睇風水兼催運,日前雲文子到陸永家中睇風水,二人更搞笑拍片玩調轉身份,扮演風水師的陸永向師傅指點迷津。

雲文子日前到陸永家,陸永先斟茶答謝,雲文子並與他家中多隻貓貓合照。陸永娶了個靚靚老婆,並誕下兩女,加上6隻貓咪,一家樂融融。其實陸永一家都是愛貓之人,更為貓咪請教師傅,雲文子說:「都要問㗎,因為對家運都會有影響。佢屋企養咗6隻貓,寓意六六無窮,陸永屬狗,同貓都好夾,都旺佢㗎。」師傅又謂沒有寵物是主人的剋星,不過也可以用自身的八字批算兩者是否夾得來。

雲文子又透露跟陸永相識多年,這些年來都替他看風水,她說:「其實我哋識咗一段時間,陸永一直都好撐我,呢幾年都有幫佢睇風水,上年因為大氣候差好多,呢一年中秋後就非常OK嘞,運勢強,可以喺演戲同唱歌多元發展鋪路。我都有幫佢擺陣催運,加強成家人嘅運勢,主要增旺名氣同財運,當然要補番上年嘅損失啦。而兩個女就好適合入娛樂圈,尤其細女,好有表演慾。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner