陳嘉桓迎春接桃花 搣甩黃宗澤女友標籤

更新時間 (HKT): 2021.02.11 22:15

現年28歲的陳嘉桓跟黃宗澤傳緋聞多時,但有指男方一腳踏兩船不歡而散。陳嘉桓收拾心情積極自我增值,成為皮紋分析師,她指黃宗澤皮紋複雜,性格愛交遊廣闊;朋友多不勝數,兩人緣份僅適合做朋友。黃宗澤對陳嘉桓而言絕不是好情人,陳嘉桓在新的一年許下願望:「我想搵專一嘅人。」

陳嘉桓早前接受《蘋果》專訪,穿上粉紅外套的她拿起桃花道具拍照,不時透露需要桃花運。原來自她成為皮紋分析師後,當有朋友介紹男仔時,她第一時間會先看對方皮紋:「睇手指好過睇佢啲social media。」陳嘉桓指自己慢熱又男仔頭,擁有某些皮紋的異性絕非她的那杯茶,例如太霸道及猴急的男仔都不適合,她表示要找跟自己皮紋相似的男士,包括關心身邊人、喜歡一大班人包括家人及朋友,要接受自己會花不少時間給身邊人,陳嘉桓說:「疫情令我改變咗,覺得要多啲見家人,同埋希望未來老公都鍾意同重視小朋友。」

「搵專一嘅人」

陳嘉桓透露早前曾跟圈外人拍拖,但最終分手收場,至今單身約一年多:「我係有拍拖,不過唔想講,因受埋唔少壓力。」她苦笑稱當日都有看過男方皮紋,但奈何最後仍因性格不合分開。其實,近年有指陳嘉桓與黃宗澤合拍網劇《守護神》撻着,及後更疑似同居,但卻被黃宗澤內地女友張沙沙發現來港趕走陳嘉桓。

是否因跟黃宗澤的緋聞嚇走追求者?陳嘉桓笑稱沒有仔細研究,至於跟黃宗澤有否聯絡,陳嘉桓未有正面回應:「佢唔係我最close嘅friend,但都知佢唔喺香港,我好多圈內嘅朋友都返內地做嘢,佢都係。」有否幫黃宗澤看過皮紋?陳嘉桓說:「約略睇過,佢係屬於有好多朋友嘅紋型,可以兼顧好多嘢。但佢嗰種紋型反而我係冇,我哋只可以做朋友。」男方對她而言是否不是一個好情人?陳嘉桓只說:「我想搵啲專一嘅人,因我嘅皮紋簡單,有啲複雜皮紋嘅人我都唔敢太接近。」

創業多諗頭

成為皮紋分析師後是否比娛樂圈更好賺錢?陳嘉桓指一畢業已入行,因此希望增值自己,她曾學過半永久化妝如紋眉紋眼線,又曾想考健身教練牌照,奈何因疫情而暫停。陳嘉桓現任皮紋分析師,更創立自己品牌,由好友兼契爺何國鉦為她設計logo,她說:「當創業所以都冇諗賺咗幾多錢,反而幫到人先係最大滿足。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner