吳若希開YouTube犀利人妻上身 召喚老公真人示範相敬如賓週

更新時間 (HKT): 2021.02.11 13:18

TVB近年收視每況愈下,觀眾紛紛嫌棄大台膠劇冇水準,綜藝節目都被ViuTV打殘,要搵曾志偉回巢救亡。最近大台藝人更積極開設YouTube channel,靠自己與網民拉近距離,繼陳自瑤、汪明荃之後,吳若希亦於昨日開了頻道「Jinny Ng 吳若希」,第一條片就搵埋老公Alex出鏡拍「相敬如賓週」。

吳若希在介紹欄寫道:「為了隆重其事,第一條片就邀請了經常被我『公審』的何生來友情客串。由於『夫妻不和』,所以我決定每個月都有【相敬如賓週】,一星期內夫妻之間要和睦相處,不發脾氣,不能拒絕對方任何要求!」

在片中,她用普通話講「寶貝」召喚老公入鏡,然後對老公做出自己最鍾意的事,包括:剪鼻毛、擠暗瘡、公主抱,還要老公做掌上壓及做家務,片中的她犀利人妻性格盡顯,又要老公用好愛的眼神望她,不停說:「冇得Say No呀今日!」、「今日我話事呀,嚟咩啫你!」

網民留言:「可唔可以唔好咁黐線」、「笑死我啦」、「老婆好可愛 老公好頹廢 另一種喜感」、「其實點解叫寶貝要用普通話」、「你屋企好靚好想睇吓」、「Jinny 好幸福呀」。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner