蔡雪瑩炮製蘿蔔糕趁機享受親子樂 仔女幫手變「搞亂檔」

更新時間 (HKT): 2021.02.11 15:46

蔡雪瑩(Snowy)16年嫁上市公司太子爺朱威霖(William)後,育有4歲兒子Wesley及2歲囡囡Sheryl,明天是大年初一,Snowy指以往過年大多會出外旅遊,但今年受疫情影響會留在香港過年,日前她與一對仔女動手製作蘿蔔糕享受親子樂,自嘲廚藝一般的Snowy,原來亦是首次做蘿蔔糕,要同時看管一對仔女不要「搞亂檔」,笑言場面一度好混亂。

今日年三十,忙為團年飯準備的Snowy接受《蘋果》電話訪問,她說:「上年因為疫情都冇飛,曾經幻想過今年農曆年可以出埠,不過而家留喺香港都開心嘅,好似今次同阿仔阿女一齊整糕,可以畀佢哋試下同參與下屋企嘅嘢,從生活學習。」

Snowy又謂,疫情令仔女多了時間在家,每日都會編排不同活動幫他們「放電」,她又笑說:「今次我整蘿蔔糕之前睇咗好多食譜,加埋朋友教路,雖然中間都有好多『蝦碌』,但最後都算大成功,阿仔阿女有幫手刨蘿蔔同埋撕吓乾瑤柱,撈粉仲搞到啲粉飛晒出嚟,完全係『搞亂檔』,但見佢哋都好投入,仲睇到妹妹同哥哥性格好唔同,妹妹專心啲,哥哥就問題多多,好搞笑。」Snowy續說,今年新年願望一定是疫情盡快完結,還有仔女快高長大、精乖伶俐她就最開心。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner