姜濤上志雲節目直認仲係處男 爆花姐去廁所開大陣味超強

更新時間 (HKT): 2021.02.12 00:06

人氣王姜濤去年在不同領域上均是大贏家,獎項、廣告和曝光率源源不絕,昨晚他接受陳志雲網上節目《Stephen.傾》訪問,面對Stephen的尖銳問題,姜濤不但承認自己冇拍拖,更直認到現時為止仍是處男,難怪Stephen也讚他坦白得可愛。

訪問中,姜濤坦言當初參加《全民造星》,是由於比賽不用花錢又包食,但到後來才發現搭的士是頗花成本,因此曾一度萌生退賽念頭。「車費好貴,來回都要5、60蚊,入行之後都有試過想放棄,不過冇辦法個約綁住,之後都真係諗清楚,行行都辛苦,但起碼我而家做緊自己鍾意做嘅嘢。」Stephen之後問姜濤每月大約搵幾多時,姜濤想了一會正想回答之際,Stephen即喝停他叫他不用講實數,姜濤笑說:「其實都唔定,每個月都唔同,不過公司出支票會拖。」Stephen問是否公司要計完抽佣才出,姜濤即碌大眼說:「咁抽佣都要畀先得㗎!」姜濤講完隨即聽到鏡頭後的花姐大笑。

Stephen之後問姜濤的戀愛史,姜濤亦毫無保留地回答說:「以前中一鍾意咗個女仔,不過嗰時我好肥,我直接同個女仔講鍾意佢,佢話佢係外貌協會,自己上網check先知咩意思,即係佢係睇外表。」Stephen問他公司有否阻止他拍拖,姜濤說:「咁都冇話唔畀嘅,冇特別阻止,但就叫我生性,會話拍拖重要啲定做嘢重要啲,潛在意識叫我唔好拍。」Stephen指當初《造星》節目時,有問到他是否處男,姜濤坦白認自己現時仍是處男。Stephen即大笑並提醒他下次再有人問他時,不需要直接作答,只需婉轉說「私人嘅嘢可唔可以選擇唔答呀!」,姜濤即露出尷尬傻笑。

提到和花姐相處,姜濤直指對方很無私和有義氣,因為花姐經常做司機車他出入,令他慳返不少車費和隧道費。不過花姐之後入鏡,笑住質問姜濤為何她只有一個「做司機」的優點,笑言感到心淡。而當花姐離開後,姜濤向Stephen分享花姐一個秘密說:「有次去澳門,花姐啱啱喺廁所出嚟,我緊接入去,聞到嗰陣味真係……我要出嚟唞唞,等散散氣先得,啲人仲問我仲乜咁快去完。」姜濤坦白得咁徹底,唔知花姐會唔會畀個「叻」佢呢?

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner