RubberBand 4月紅館騷主題「聚與散」 6號開live重提8年前參與維穩騷

更新時間 (HKT): 2021.02.12 14:49
RubberBand計劃4月紅館開騷,主題「聚與散」。(IG圖片)

RubberBand主音6號昨晚在Clubhouse開live,一開場已笑着說:「祝大家快樂平安,今年都要諗真啲先去祝賀大家。」

2020年,香港人經歷好多艱難時期,有樂迷都表示在這段日子聽RubberBand的歌聽到喊。RubberBand的歌讓大眾有共鳴,但2013年樂隊接演由建制派舉辦、被指是「維穩騷」的《香港巨蛋音樂節》,6號回憶當年的公關危機,可說是人生的低潮期。「當年個騷係7月1號做,兩邊聲音都有,有叫我哋唔好演出,當刻嘅公關危機,公司上下一齊開會,唔知點算好,大家諗呢個難關過唔過到呢?好感恩一直幫我哋嘅監製、同事出謀獻策,大家都覺得應該履行合約,但又想畀人知我哋嘅心智,最後我哋少少把心一橫,唔係好唱自己嘅歌,唯一一首歌係《睜開眼》。」結果這一年,RubberBand無奈要「唞一唞」,把音樂重新定位,而2013年亦推出過一首歌《是時候》,他續說:「有拍過MV,但其實好壓抑,得我同Cameraman朋友去西環同中環度拍,12至拍到6點捱到天光,正正表達番嗰時嘅心情。2014年頭,我哋開始pick up番個心智,執番啲歌,叫慢慢行返上去。」

而在叱咤頒獎禮上,泥蜢說:「好多唔公義嘅事發生,但我哋作為創作人就係要帶嚟希望,叫香港人加油。」6號亦表示認同:「呢番說話好似好膠嘅口號,但諗深一層,唔係,我哋開心時候可能想聽音樂,幫手跳舞,低潮時候都要聽音樂,係好原始嘅嘢。」而他的人生另一個低潮,是2019年媽媽離世,幸隊友和同事體諒,讓他放兩個月假收拾心情。

訪問中,6號透露自己在傳統家庭長大,十分重視節目,前晚跟家人一齊食團年飯,昨日再跟太太一齊慶祝。他還透露讀大學時期一家人為避年,跟團去山東旅行的趣事。而今年4月,RubberBand計劃在紅館舉行音樂會,主題是「聚與散」,他說:「我哋用咗個意大利文『CIAO』,包括hello同goodbye嘅意思,覺得好啱2021年,香港同世界都發生咗好多事情,暫定4月頭開,我哋要集氣希望開得到。見台灣好幸福,現在疫情都係如常開到音樂會,希望我哋都可以好似佢哋咁。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner