七色玫瑰沖涼增運 
崔碧珈求成就感 預告36G盡露

更新時間 (HKT): 2021.02.12 02:00
■予人火辣性感形象的崔碧珈,望來年更專注演藝事業。

擁有天賦36G逼爆上圍的崔碧珈,入行後一直給觀眾的印象皆離不開性感及其火辣身材,她未有因此被打沉做演員的決心,更直言只想專心做一棲藝人。為演戲可以去到幾盡?崔碧珈坦言若劇情需要,她不介意盡露三點演出:「我最鍾意嘅嘢唔係愛情,而係工作上嘅成就感。」

踏入牛年,崔碧珈首先希望疫情盡快過去,人人有工開。一向鬼妹仔性格的崔碧珈原來雙親也十分傳統,爹哋規定家中過年必定要有全盒,而媽咪就帶她去找桃花行一圈希望增添桃花運,她又透露:「上年媽咪上網睇,學咗買七隻唔同色嘅玫瑰用嚟沖涼,話有助增加所有運氣。」

崔碧珈以往經常四圍飛,一個月內去四個地方,但去年只到過日本及美國,不慣之餘惟有利用時間學芭蕾舞、演戲、英文及跆拳道,她坦言亦看清自己的興趣及目標:「真係唔太鍾意電視、電影以外嘅嘢,呢行好興乜嘢多棲藝人,但每人鍾意嘅嘢唔同,我想集中做先會開心。」崔碧珈原要去美國拍戲,但因疫情關係早已叫停,目前仍未知何時復工。

逼爆身材非絆腳石

擁有36G驕人上圍的崔碧珈,大部份工作皆與性感扯上關係,她卻不太介意被外界定型:「自己冇乜咁諗,不過暫時都唔露三點……」暫時?豈非她可會接受三點盡露?她直言:「我真係冇所謂,但要睇項目,唔會無啦啦攞出嚟,唔想性感得嚟冇意思。」她透露一直無人邀她露三點演出,問會否覺得其逼爆上圍會成為發展時的絆腳石?崔碧珈直言:「睇你識唔識用佢,識用佢就可以發揮到,做運動先係絆腳石。不過我試過有部戲演一個文青女仔,的確着啲恤衫脹咗啲嘢出嚟唔好睇,結果我為角色減咗近30磅,又要紮胸,但演戲就係有梳、化、服,將你由一個人變成另一個。」

除喜歡做演員外,崔碧珈對於電影及電視的幕後工作如發行、監製及製片等都很有興趣,她謂:「同錢銀有關嘅我都鍾意,可能因我讀會計,數字比較叻,不過做幕後好辛苦,真係滿足感大過成就感。」她是近兩個月來開始賣片,現時買入的兩部皆是愛情片,大約要多少錢,崔碧珈表示:「香港市場大院線又唔多,按比例唔會太貴,通常大約一部片總製作費嘅一成,平可以幾萬,貴則幾百萬都有,幾千萬就唔到香港買。」

自從跟吳浩康分手後,崔碧珈感情真空了一年多:「有人約出街,但冇講明所以唔當追求,況且我好宅女冇應約。」但她強調並非因上一段感情而不敢再入情關:「唔關事,我都康復晒,其實冇乜特別。」崔碧珈亦不抗拒再跟圈中人拍拖,若另一半要求不作性感演出甚至退出娛圈會否接受?崔碧珈即謂:「梗唔OK,因已違反我第一個原則,大家諗嘢唔同點開始?」她坦言不急於拍拖,希望趁自己有氣有力時追求自己最愛的東西:「我最鍾意嘅嘢唔係愛情,而係工作上嘅成就感。」

娛聞樂陪你走遍全球追星,即Like「娛果」FB 專頁!
BannerBanner