黃夏蕙祈福 人人健康有財富

更新時間 (HKT): 2021.02.13 02:00
■黃夏蕙在兩位「鐵扇公主」契女艾美琦(右)和李紫彤(左)護駕下,昨日到黃大仙上香。

黃夏蕙昨日化身「牛魔王」,由兩契女艾美琦和李紫彤充當鐵扇公主護航到黃大仙上香祈福。為了兌現承諾完成12生肖造型,夏蕙姨花費三萬元打造服飾現身:「唔想大家失望,個個話冇咗隻牛,所以幾個月前已經安排。」

未能上頭炷香,夏蕙姨無奈接受:「都冇辦法,惟有今日嚟,祈求世界和平,疫情快走,人人身體健康有財富。」夏蕙姨前晚應邀到港台跟鄧達智分享年三十晚過年傳統,夏蕙姨說:「最初冇特別打扮自己,但係啲香就燒燶頭髮,又俾人扯甩髮。有年生肖屬狗,就整頂狗仔帽,點知小朋友睇得好開心,之後就每年花心思去裝扮。」鄧達智稱讚夏蕙姨是香港新年icon,無人能及。

娛聞樂陪你走遍全球追星,即Like「娛果」FB 專頁!
BannerBanner