李幸倪率陳凱詠P1X3L開年

更新時間 (HKT): 2021.02.13 02:00
■李幸倪、陳凱詠(右)及組合P1X3L希望踏入牛年大家家都健康及世界充滿愛。

牛年來臨,環球的李幸倪(Gin Lee)、陳凱詠和男子組合P1X3L相約快樂開年,眾人更搞新意思,設計充滿新年氣氛的口罩,祝願大家健康及世界充滿愛。Gin Lee及陳凱詠因疫情未能跟家人去旅行過年,Gin Lee更與家人分隔三地:「家姐、父母同我都唔同地方,試下視像食團年飯、拜年。」陳凱詠表示因父母喜歡泰國,以往習慣一家人到當地旅遊:「同學以為我係泰妹,返鄉下,而且我又似,膚色都因為每年去所以補色。」Gin Lee和陳凱詠新一年希望有實體騷跟歌迷互動,Gin Lee因舉辦網上音樂會儲足經驗,希望明年能再踏紅館舞台。陳凱詠去年尾傳出與顧定軒及導演陳健朗陷三角戀,她說:「緋聞唔好炒旺,旺事業好啲,炒吓啲歌聽吓就夠,我𠵱家同工作拍拖,好熱戀相愛。」

P1X3L3三子今年會以雙線發展,拍攝ViuTV劇集或節目,對網民不看好組合,他們坦言沒有打消意志:「抨擊好少,起碼有人留意到,第一次睇可能覺得我哋唔係好襯,但隨後多作品可能會改觀,將大家講嘅嘢化為動力,希望未來作品做更好,然後鍾意我哋。」

娛聞樂陪你走遍全球追星,即Like「娛果」FB 專頁!
BannerBanner