郭晉安爆陳法拉囡囡Mix樣好靚女 譚凱琪情人節冇心思同老公慶祝

更新時間 (HKT): 2021.02.14 19:13

郭晉安、譚凱琪(Zoie)、王君馨、江欣燕及譚俊彥等,今日在將軍澳出席宣傳活動,安仔表示收到剛公佈誕女喜訊的陳法拉傳來囡囡的照片,「好正呀!佢畀相我睇,對眼圓碌碌,好外國人mix樣,靚女嚟!以前同佢合作嘅同事都有恭喜佢,好戥佢高興。約定佢,等疫情過咗,佢會抱B女返嚟,大家一齊食餐飯,喺度祝佢一家開心,同BB快高長大。」

此外,兩位人妻譚凱琪與王君馨講到情人節慶祝節目,王君馨笑言結婚3年已經去到老夫老婦感覺,或者煮個麵當慶祝,Zoie則笑說:「我哋都係好冇心思嘅人,尤其今年啱啱有咗小朋友,時間都投放喺BB身上,冇預備食咩?可能煮個麵加愛心牛丸,最重要一家人平平安安,齊齊整整過已經好開心。」

Zoie好友楊愛瑾(Miki)今日36歲生日,她表示雙方從初入行已相識,幾乎每年她的生日都一齊慶祝,今年踏正初三,所以預早慶祝了,今日留給家人和老公。Zoie提到跟Miki以前多數是傾工作及生活話題,現在就圍繞照顧小朋友或下廚,「佢有兩個小朋友好有經驗,遇到湊仔問題都會問佢,好開心身邊有好多媽媽朋友,有咩事隨手都問到人。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner