難忘收鎖匙同信用卡 
新婚朱慧敏冧老公「佢畀我一個家同安全感」

更新時間 (HKT): 2021.02.14 02:00

對於現年39歲的朱慧敏來說,今日情人節絕對別具意義,事關上月與養和醫院心臟科專科醫生陳良貴(Jason)結婚的她,首次以人妻身份和心愛的人度過佳節。日前,朱慧敏偕老公接受《蘋果》專訪,大談二人從相識到結婚的甜蜜經歷,跟大家分享愛。

朱慧敏和新婚老公陳良貴受訪當日,Jason匆匆趕到,朱慧敏已準備好一切,例如訪問所穿的衣服,以及麵包和橙汁等給老公充飢。朱慧敏當日還應要求準備了不少與老公的相片,其中一張是Jason抱着一束花,原來當日是Jason生日,朱慧敏親自送花到診所:「呢次係我第一次去佢辦公室,見到我,佢好開心,成塊面紅晒。」Jason笑稱當時未有人知道兩人的關係:「之後都有啲姑娘開始懷疑,呢次係第一次有女仔送花畀我。」

求婚順其自然

當日二人結婚令外間愕然,但朱慧敏笑稱從未低調處理這段關係:「我哋好多地方都會去,可能疫情嘅時候,個個都戴口罩出街,只係冇俾人影到。」本身是心臟科醫生的Jason,因林盛斌(Bob)做「通波仔」手術,在對方穿針引線下認識了朱慧敏。之不過Jason追女仔的方式頗為特別,朱慧敏說:「嗰陣我去學臨床肌力學療法檢測師,搵埋佢一齊上堂,過咗段時間,佢突然問我可唔可以做佢女朋友,我好欣賞佢嘅坦白同直接,所以咪拍吓拖交往吓。」兩人拍拖一年,Jason已經提結婚,求婚方式亦與別不同,朱慧敏笑說:「佢車上音響有幾隻歌都係嗰啲marry me呀,有時候揸揸吓車都會問:『Will you marry me?』變咗件事係好自然就發生。」Jason續說:「我哋相處咗一段時間,相處得好舒服,大家都好夾,所以無謂再等喇。」

希望健康平安

一直以來,朱慧敏在人生的道路及情路發展不平坦,她坦言目前的情感相當獨立:「以前過時過節,如果得返我一個會覺得好孤單,但係𠵱家唔會,我好感恩過去喺娛樂圈嘅生活,知道捱更抵夜嘅生活係點。」Jason亦感謝太太:「佢真係冇怨過。」問到朱慧敏的難忘事,她說:「係一條金色嘅鎖匙同信用卡,佢畀我嗰陣,話呢個係你嘅屋企,佢畀一個家我,係一份安全感。之後畀信用卡,係一個承諾同照顧,唔係錢嘅問題。」

至於將來的日子,兩夫妻不諱言不會刻意計劃太多,朱慧敏說:「每一日瞓醒見到佢都健健康康,之後精精神神咁返工,再平平安安咁收工返屋企,已經覺得係最好。」Jason也說:「每日起身精精神神,做到自己想做嘅事,健康平安,已經係最大禮物。」

場地提供:龍華酒店

娛聞樂陪你走遍全球追星,即Like「娛果」FB 專頁!
BannerBanner