黃慘盈美國追夢覓真愛

更新時間 (HKT): 2021.02.14 02:00
■Jessica前年移居美國追尋演員夢,在當地結識男友Willis。

《100毛》前主播「黃慘盈」李嘉文(Jessica)現定居美國紐約追尋演員夢,前年她在當地認識土生土長的男友Willis。Jessica日前越洋接受《蘋果》專訪,大方透露拍拖經過:「我哋喺前年2月認識,但冇立即拍拖,我喺3月返香港做騷,反而日日聯絡,加上冇見一個人而你會好掛住佢,3月尾我返美國大家就開始咗。」怎料拍拖幾個月,因Jessica要回港辦理移民美國手續,又要分隔兩地約兩個月,但她回港後卻收到超級驚喜:「返港後第二星期,有日我同朋友食晏,佢突然出現。」不過Jessica自言早有眉目:「佢忽然講定有兩日好忙冇得FaceTime,連send message都唔得,我就估到少少。」在港期間,她帶對方了解自己成長的地方,一齊食菠蘿油及飲「茶走」。

宅在家過節

Jessica很欣賞Willis細心:「呢一年因疫情,我喺屋企拍片寄去試鏡,佢好細心為我執好一個位。」她又讚男友為人直率,不會轉彎抹角及講大話:「最重要係我喺佢身上學到好多嘢,令我成為一個更好嘅人,呢樣好重要,證明我冇揀錯人。」至於情人節如何慶祝,Jessica指兩人平時甚少慶祝節日:「啲人成日話喺屋企好辛苦,但我哋喺屋企幾個月都唔覺悶 ,即使只係去街口一蚊店都好開心。」不過兩人已計劃會去宿營慶祝拍拖周年紀念。

娛聞樂陪你走遍全球追星,即Like「娛果」FB 專頁!
BannerBanner