姜濤情人節病住出騷 丁蟹式腳軟兩度向後跌

更新時間 (HKT): 2021.02.14 22:29

被經理人花姐踢爆仍是處男的姜濤,情人節聯同MIRROR成員柳應廷(Jer)和江𤒹生(Anson Kong)在尖沙嘴舉行網上音樂會,姜濤因身體不適,受訪時兩度腳軟、突然坐下。

阿Jer因要工作只能跟女友延遲明天慶祝,惟有在工作前買禮物,他表示是女友喜歡的潮流物品,但不會亂送戒子:「呢啲要有意義嘅時候先送,唔可以亂送。」而單身的Anson Kong提出擇偶條件最好是圈外人,因同時是圈中人,若情人要拍親熱戲自己會呷醋。

A0的姜濤覺得拍拖要順其自然,入行後仍然沒有人向自己示愛,又說身邊沒有太多異性出現。腳軟的姜濤更自嘲潺弱:「唔好搵我呢類人做男朋友。」被花姐取笑性格悶,他承認:「都係嘅,可能對住花姐更悶。」但阿Jer為姜濤大平反:「其實姜濤個人好sweet,好有心思,送禮物會準備兩份,一份正常嘅,另一份唔好嘅禮物畀對方抽。」兩位單身族又說不想阿Jer女友介紹情人,因怕朋友介紹反而有壓力,若感情出問題會影響與阿Jer的友誼。

農曆新年派開工利是,姜濤甚有情趣,準備了不同面額利是抽獎,比TVB抽獎派1.8元更大手筆,他說:「今日包利是時諗到,覺得幾好玩,最大封3位數字,最細封雙位數。」Anson Kong笑言疫情影響收入,只準備4位數字,阿Jer因不知隊友準備利是,惟有後補給同事。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner