楊洛婷陀第二胎害喜嚴重

更新時間 (HKT): 2021.02.15 02:00
■楊洛婷昨日與老公及囡囡開心宣佈再懷孕,不過她未知BB性別。互聯網圖片

楊洛婷昨日在Ig宣佈陀第二胎,其樂隊Dear Jane主音老公黃天翱(Tim)在Ig以英文留言說:「是的,我太太懷孕喇!」二人現時育有三歲囡囡黃子霏(Tanya),楊洛婷坦言未知今胎性別,表示仔女都最緊要健康。她將懷孕過程放上YouTube頻道分享,並指陀今胎一點都不輕鬆,她說:「陀囡囡時我冇乜唔舒服,食得瞓得,但陀今胎,第四周已經覺得好暈,第六周便秘好嚴重,第七周直情食唔到嘢落唔到床,之後去嘗試針灸,個人先舒服啲。」

Tim則表示:「短短時間已經收到好多朋友嘅祝賀同關心,感激!好開心呢個新年有一個好開始,藉着今日情人節同大家分享呢份喜悅,希望所有人都開開心心。疫情未過,太太呢段時間陀BB要特別小心。」

娛聞樂陪你走遍全球追星,即Like「娛果」FB 專頁!
BannerBanner