無牌謝安琪長文謝老公送電單車 網民索到火藥味

更新時間 (HKT): 2021.02.15 22:20
(IG圖片)

張繼聰是圈中著名的「愛妻號」,而謝安琪(Kay)亦不時在社交平台公開放閃,是很多網民眼中很sweet的一對。昨日是情人節,很多人都在社交平台晒花、晒禮物放閃,Kay亦不例外,但在她的謝詞中,有網民聞到火藥味。

據Kay講,張繼聰送了一架米白色的中古電單車給自己,但問題出在:「第一,我係未有電單車牌嘅;第二,如果我真係去考電單車牌,唔係話一定,係大約9成機會選擇考自動波。所以當張先生送圖中呢架咁別緻嘅中古電單車仔畀我,我當然好欣賞啦!但係一諗起自己連電單車牌都冇,仲要呢架係棍波電單車,我真係好驚喜!」

張繼聰率先試車

正當大家以為Kay得物無所用,事實又非如此,她覺得:「佢送呢架我自己揸唔到嘅電單車畀我,一定係代表咗佢想鼓勵我跳出自己嘅既定框架,寓意只要我夠膽嘗試,就可以飛身躍起,騎上電單車開展一段嶄新嘅人生旅程,睇到更多不一樣嘅風光。一份好嘅禮物唔單止𠱁到你開心,分分鐘仲可以啟發到你,成為你人生嘅轉捩點。」

雖然Kay未有牌揸,但平日會約車友揸車兜風的張繼聰率先幫老婆「試車」,Kay指:「當我知道佢自己揸咗呢架車好開心咁出去周圍兜風,我立即意會到,佢一定係想將呢一份喜悅充份活現出嚟。」她更似語帶雙關地表示:「一份好嘅禮物,可以有好多層次去欣賞,就算你另一半送一架你用唔着嘅電單車畀你,然後佢仲自己揸返,你分分鐘得着仲多。」

網民讚高招

張繼聰今次送禮,網民反應不一,有人笑言叫Kay買返啲碗碟「回饋」畀老公,也有人笑言:「隔住個mon都聞到火藥味,God Bless 阿聰。」對於愛妻形象深入民心的張繼聰想出這個方法「送禮」,有網民讚:「曲線送禮物,我學識咗好多嘢」、「表裏不一。 #高招」

翻查資料,與Kay今次收的同款車,為日本水貨車,二手要車價也20萬日圓起跳,視乎車本身的新淨度及行的里數而有不同價錢,計埋運費及來港後的首次登記稅等,出車價差不多要5萬港元。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner