狗仔出更|陳肇麒化身暖男爸爸 寸步不離拖實囝囝行街

更新時間 (HKT): 2021.02.15 11:00

香港足球名將陳肇麒(陳七)與組合MVG前成員劉雅婷(Toby)育有4歲囝囝,上年11月再誕下B女,湊成一個「好」字。家中多了兩個化骨龍,陳七去年中宣佈掛靴轉投飲食業,為南華足主羅傑承打理旗下旺角新開張的餐廳,加倍努力賺奶粉錢養家。

日前《蘋果》在銅鑼灣發現陳七化身暖男爸爸拖實囝囝行街,同行只有一名工人姐姐,太太Toby則未有在旁。西裝look的陳七,帶住囝囝和外傭一行三人,離開銅鑼灣步往港鐵站時,全程拖到實,入到車廂抱住囝囝坐,親力親為照顧,工人姐姐負責幫小主人拿背包。

陳七父子去到中環站準備轉車時,在車站內途經一間零食店,囝囝拉住爸爸入舖頭買零食。揀好零食之後,陳七付款時,囝囝忽然急步跑開,陳七反應非常快,即刻緊張轉頭望,見囝囝不在視線範圍內,錢都未畀就即刻去搵仔,而工人姐姐則撓住手在旁邊睇熱鬧,見陳七亦沒有吩咐工人姐姐看住小朋友,而是自己寸步不離望到實,連搭扶手電梯都要背轉身企照顧個仔,認真廿四孝爸爸。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner