劉青雲生日必收老婆蛋糕慶祝 難忘殯儀館獨自作樂

更新時間 (HKT): 2021.02.16 16:46

由邱禮濤執導、劉青雲與劉德華主演的《拆彈專家2》搶先在後天戲院重開後第一檔上映,於《拆彈》系列首度加盟的劉青雲,在電影中飾演拆彈專家「董卓文」,除了與戰友劉德華並肩作戰,還跟一眾飾演拆彈隊員的演員吳卓羲、黃德斌、趙永洪、張揚有不少對手戲。

今天是青雲的57歲生日,他早前開工期間,獲一眾「拆彈隊員」、邱禮濤及幕後工作人員在片場為他慶祝,劇組人員更特地訂製一個炸彈形蛋糕,邱禮濤還笑指該「炸彈」屬於辛亥革命時的炸彈,相當搞笑。提到生日願望,青雲說:「我哋呢一行,好多時都喺片場過生日,我成日都同人講,唔好話畀人知係我生日,不過今次就揚啲!最難忘一次試過生日喺殯儀館取景。我相信得一個人開心嘅世界,係唔會開心,所以我希望大家都開心,好好過日子。」

向來重視家庭的青雲出名是「愛妻號」,日前被《蘋果》拍得跟太太郭藹明到西貢拍拖買餸,非常恩愛。問會青雲太太會否跟他慶祝生日?青雲即甜絲絲表示:「走唔甩,我相信一定仲有一個生日蛋糕。」至於太太為何不到片場送驚喜?他說:「佢唔會嚟片場,佢知道嚟片場唔係太好,因為大家都做緊嘢,佢通常好少到片場探我班,因為佢知道我性格。」

青雲更直言會叫太太不用送禮:「真係需要嘅嘢應該都有,未有嘅嘢都係冇咩需要,買咗放喺度唔用好浪費。」那麼青雲是否不喜歡收生日禮物?他解釋:「唔係唔鍾意,但唔需要破費,大家開開心心食飯咪得囉,其實送禮係一件好難嘅事,收咗人哋嘅生日禮物,人哋生日又要諗送咩畀人,都幾吃力。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner