王宗堯暴動罪案未籌夠律師費 下月再上庭:最擔心要唔要掃咩碼

更新時間 (HKT): 2021.02.16 21:14

王宗堯早前在facebook公開求「懲罰」,今日他為店舖擔任一日店長。他去年被控暴動罪,案件再將下月26日再審,面對龐大的律師費,宗堯說:「我每次被懲罰,有啲似議員嘅人工,多數攞一半出嚟做其他嘢,自己就袋一半或者以下嘅錢,因為好多人好辛苦冇工開。」雖然被不少同路人「懲罰」,但宗堯表示沒有正式統計過有多少收入:「我諗要應付全部,就一定未到,但我覺得數字係可觀,反而最擔心係下個月26日要唔要掃啲咩碼,因為都係政府部門。仲有一個月,都係唔諗住。」

陸續推出商品開源

王宗堯另被提到早前簽約杜汶澤的網台「喱騷」,他開心表示現時已推出App,期望快點可以拍劇。而他早前推出自家品牌、寫上「手足袋穩」的利是封、印有「手足不散」字句的衛衣在網上發售,他表示印了大量,但可能因過年和情人節的關係,有很多人仍未攞貨,他又指稍後會設計不同產品。

慨嘆聲音越來越窄

談及港台電視抽起周冠威訪問,以及不再轉播《BBC國際頻道》及《BBC時事一週》,聲音越來越收窄,王宗堯即說:「港台,放棄咗喇!由舊年好多打壓,佢話持平,但某程度上都幾偏頗,加上我喺港台合作過嘅節目,我好似係第一個被人抽走,我亦有朋友被離職,又有節目要轉型,製作形式都轉咗,嚟緊我都唔知仲有冇《火速救兵》,我記得最近消防處搵咗甄子丹做代言人。唔知呀,《火速救兵》都去到第4輯,我都叫做參與過,唔理喇,理唔到咁多!自己揀自己想睇嘅嘢,我想話群眾壓力可以令到一個劇停播,所以其實係OK。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner