樓上單位每晚發出巨響 苦忍一年 
馬浚偉遭滋擾逼遷 擬提告

更新時間 (HKT): 2021.02.16 02:00

馬浚偉(馬仔)昨日凌晨在fb開直播,原來他由去年3月開始受到樓上單位的噪音騷擾,近一年都難以入睡,因此索性開咪向網民公開鄰居惡行。馬仔在直播中坦言已投訴及報警,但無補於事,鄰居更踩上門惡人先告狀叫他搬走。馬仔忍無可忍打算在農曆新年後向對方提告,誓要為自己討回公道。

現年49歲的馬浚偉最近搞作多多,不時做直播跟網民互動,本月初他突然開設一個名為「全港噪音滋擾聯盟」的fb專頁,原來過去一年他深受鄰居噪音滋擾,故成立專頁召集同路人互相支持及幫助。昨日凌晨馬仔在fb做直播講述受鄰居噪音騷擾的來龍去脈,原來前晚約11時,他準備就寢,樓上又再發出隆隆巨響,令他不能入睡,因此決定做直播公開樓上單位惡行,再次呼籲大家注視噪音問題。

報警投訴都冇符

馬仔表示由去年3月開始,受樓上單位噪音騷擾,無論是大廳、睡房及廁所等不同位置在晚上常常發出巨響,幾乎每日無間斷地重演,馬仔已試過報警、向管理處及業主立案法團投訴,但因他們權力有限,情況不但沒有改善,反而遭到涉事單位、據稱是劉太的女士踩上門大力拍門,馬仔謂:「上次佢叫我受唔到啲噪音就搬走,買起我個單位,佢太自以為事,仲覺得製造噪音係合理。有時做人係咪需要俾人『蝦』到上面唔出聲呢?佢太有恃無恐,嗰種騷擾係刻意等你瞓咗覺,每晚呢個時候就聽佢揼嘢落地,唔知點解佢可以製造咁大聲音,已經冇辦法理解。」

馬仔表示自己每天早上約6時半起床,因此在晚上約11時就寢,但一上床樓上便發出噪音,馬仔更形容涉事一家好像「唔使瞓」,不時隔十幾分鐘又再發出噪音,令他無法入睡。有網民問對方是否情緒有問題,馬仔謂:「我接觸過佢,反而覺得佢係純粹自私同冇公德心。」

「有錢唔係大晒」

由於已用盡方法仍未能解決噪音滋擾,馬仔已決定在過年後,以民事向對方提出訴訟:「我已經儲齊證據,包括錄音、錄影、投訴信同投訴紀錄,最後交畀法官去判。如果乜都諗冇用唔去做,就有人繼續去惡,相信有錢大晒。」有網民提議馬仔搬屋,但他強調絕對不會搬走:「我要佢知道係始作俑者,佢有次喺我門口講『我知你乜水』,佢以為藝人好怕曝光,我只係普通市民,冇特權冇忌諱。你話自己有錢,令我覺得討厭,有錢唔係大晒,今次公開呢件事唔係為自己,好多人面對同樣問題,有啲真係唔知可以點做。」他指羅冠蘭也是慘受鄰居噪音騷擾的苦主之一。

有朋友勸馬仔忍一忍,但他表明絕對不會容忍,更揚言:「我會用一生撐落去,我唔係追求賠償,只希望佢醒悟、醒覺,做人唔可以自私,每個人嘅家係屬於佢哋自己,不論大細、高低、富窮,我係窮家仔大,偏偏就唔信有錢大晒。」馬仔當晚直播反應相當熱烈,至昨日已有2,000多個留言,不少網民留言為他加油,也有人指自己面對同樣問題,但無從入手,而馬仔開設的「全港噪音滋擾聯盟」fb專頁,亦有700多人追隨,當日亦有不少苦主留言訴苦。

據知,馬仔現時居住在何文田一個私人屋苑,多年來一直居住上址,此單位業權曾在2008年被馬仔前經理人范志榮入稟控告,當年對方稱在1999年前雙方合股開公司,並合資以公司名義購下一個位於何文田價值近600萬元的單位,但范志榮指其後被刪除董事職位,又不獲承認擁有公司和物業的權益,認為馬仔違反信託,故此入稟高等法院要求取回公司一半股份及賠償。

娛聞樂陪你走遍全球追星,即Like「娛果」FB 專頁!
BannerBanner