前𡃁模樂做老闆 
阿旦Like運動愛狗男 等閃婚

更新時間 (HKT): 2021.02.17 02:00
■阿旦透露未遇到合適對象,兩年多沒有拖拍的她稱不介意閃婚。

前𡃁模鄧洢玲(阿旦)近年主力從商做老闆,開按摩店雖受武肺影響,但她毅然再開寵物咖啡店,她早前接受《蘋果》訪問,指搞餐廳最大原因是為她的愛犬。兩年多未有拍拖的阿旦,更堅持對象一定要愛錫動物,她說:「唔鍾意動物唔得㗎。」

鄧洢玲(阿旦)現今36歲狀態仍然甚弗,不時有幕前工作,本來吃喝玩樂等機會又過一日,但她繼多年前開設按摩店後,在疫情下仍堅持搞寵物咖啡店開張,在銅鑼灣禮頓道租下一連兩層舖面。問到她為何如此勇敢,她說:「你估我想嘅咩,之前傾好晒各樣嘢,想走都走唔到。」阿旦指疫情下,政策經常改變確令她最煩惱,不過她稱只要將困難逐個拆解,天下無難事,她說:「每一件事都有困難嘅地方,例如裝修、攞牌照之前都唔識,但可以問啲專業人士朋友,冇乜嘢係解決唔到。」

見人只為傾生意

餐廳二樓空間大,阿旦還定期搞不同主題市集,除了聯絡各種商戶,又邀請藝人嘉賓做直播宣傳,有時工作整日沒有停過。她坦言自己兩年多沒有拍拖,亦沒有人熱烈表達愛意,她說:「我個人本質不嬲都唔吸引呢啲男仔,自己亦冇為意,通常見到人都傾生意。」問到她理想對象是甚麼類型,阿旦說:「首先一定要鍾意動物,如果佢對動物冇愛心,我完全唔會考慮,可能運動型啦,對人處事都要成熟啲。」阿旦養有兩隻狗東東、發發,已經12歲,她指開這間餐廳原因是為了狗狗:「之前去旅行都見到好多可以帶寵物去嘅咖啡室,但喺香港就冇,希望更加多人接受pet friendly呢樣嘢。」

唔甘心只做花瓶

問到有沒有打算何時結婚生仔,阿旦說:「未遇到一個啱嘅人點會計劃呀,我唔會遇到唔啱嘅人都會去結婚,遇到啱嘅唔排除閃婚。」如果對象不喜愛狗狗,只鍾意BB呢?她說:「最好兩樣都鍾意啦,因為我唔會放棄我兩隻狗狗。」阿旦做慣老闆,現時沒有跟任何公司簽約,還自己組織攝影團隊,為客戶推廣產品,出鏡兼度埋宣傳,生意頭腦多多,問她是不是好想賺錢,阿旦說:「𠵱家係為個人滿足感比較大啲,我唔甘於做一個花瓶,諗到就去做,不過有邊個唔想賺錢呢?快啲幫襯我啦。」

場地提供:Chillax

服裝提供:中藝天工閣

娛聞樂陪你走遍全球追星,即Like「娛果」FB 專頁!
BannerBanner