爆相爆片丨《造星III》KLAU與KiKi深夜車廂激吻 錫完圍爐煲煙

更新時間 (HKT): 2021.02.17 09:00

ViuTV節目《全民造星III》不但成功造星,更成功撮合多對情侶,如張凱娸(KiKi)跟劉瑞祈(KLAU)、江宏基(Timo)與丁悅,而卡文(關嘉敏)與CY(陳澤言)亦被《蘋果》讀者踢爆搞姊弟戀。

雖然KLAU與KiKi已公開戀情,不過二人拍拖亦未敢太高調,日前有《蘋果》讀者發現KLAU深夜駕車接KiKi到馬鞍山一處幽靜位置談心,二人情到濃時還嘴對嘴錫錫,愛得甜蜜。

讀者何先生透過《蘋果》爆相爆片報料,指日前晚上11時半見到KLAU與KiKi在恆泰路出現,何先生說:「佢哋兩個行上我前面架車度,可能夜晚,現場好少人,佢哋上車之後除低口罩,所以我見到嗰個女仔係KiKi嚟,佢哋一除低口罩就錫,錫咗成半分鐘,錫完之後一齊煲煙,我估唔到原來KiKi都食煙,最搞笑係佢哋一食完煙之後又即刻咀,第二次都錫咗成半分鐘。」

何先生又指該處近馬鞍山海濱長廊終點,相信二人該是在海濱長廊散步,而KLAU與KiKi在車上傾偈錫錫,大約逗留了近20分鐘才開車離開。讀者提供了多張相片,見到車上兩個頭碰頭背影,相信二人正在錫錫,而讀者提供的短片中,亦清楚見到二人煲煙。

記者之後向KLAU了解,問他是否駕車與KiKi到馬鞍山談心錫錫時,KLAU未有正面回應,只透過短訊說:「多謝讀者嘅關心,我同KiKi喺藝術上、性格上都好夾,經過認識之後好自然地了解、發展,但關係剛剛先萌芽,本來都想穩定啲先公開,希望之後大家都重點多啲關注我哋嘅作品啦。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner