無綫人事變天丨曾志偉稱要還原香港音樂 余詠珊失勢酸溜溜:權力冇乜意義

更新時間 (HKT): 2021.02.18 18:36

曾志偉回歸無綫出任高層,「死敵」余詠珊立即被削權,今日集團行政總裁李寶安發內部通告,當中余詠珊職銜仍是助理總經理,但不再是綜藝、音樂製作及節目的「揸fit人」,只全力協助李寶安推動業務發展,亦確認了曾志偉出任副總經理(綜藝、音樂製作及節目)。

余詠珊今日現身將軍澳電視城即被傳媒追訪,自認過去幾年花了很多時間做新媒體,忽略了「本業」:「我係有少少兼顧唔到,依家志偉返嚟可以喺傳統媒體做到更加多,把握更多精力去做好佢,咁我都係非常樂意見到佢可以幫手,原來可以pick up咗成個綜藝,er..er..non drama嘅部門,好認真咁去發展,咁我可以花多啲時間去幫阿Mark(李寶安),睇吓仲有咩新業務可以行......其實TVB係要向前行,志偉可以帶領綜藝行得好前,我都相信,變咗我可以退番出嚟幫阿Mark睇吓仲有咩新嘅可能性。」

對於被指削權,余詠珊再「er」了一聲後說:「我唔會想用呢個方向睇,我呢幾年其實好攰,權力係冇乜意義,有權力有義務囉。呢幾年我嘅工作量好大,其實根本有少少唔知點撐落去,現在最好嘅人返嚟,好似畀我一個重新再行過,我覺得對公司嚟講係好事。我成日覺得呢個世界要咩權,因為權後面就係好大嘅責任,過去幾年我覺得我一個人孭好多嘢,現在可以我自己唔使咁孭,心情係輕鬆。」

余詠珊避談遭ViuTV打殘

近年無綫的綜藝節目被ViuTV打殘,網民幾乎一面倒力撐《全民造星》,余詠珊稱去年和前年受社會運動和疫情影響力,好難出埠、甚至出街做節目,自己已盡力,還推介被網民批評離地兼欠持平的《再見2020你還好嗎》,她說:「有啲網民好熱愛嗰啲節目,但睇rating,過去幾年我哋綜藝收視係升咗,你話網民唔睇rating,(大家睇法)有啲唔對稱。」

另外,有指余詠珊掌管藝科節目多年一直排斥異己,任用自己人,令大台人怨聲載道。如今失勢,余詠珊老公何哲圖(Herman)亦立即辭任星夢娛樂行政總裁,下月初由曾志偉接管。余詠珊稱老公已經考慮了兩、三個月,未有解釋是否因為曾志偉,說:「佢都考慮咗兩、三個月,佢喺TVB做咗差唔多400隻歌,同埋要處理公司好多音樂行政嘅工作,其實都幾攰,佢覺得如果時機許可,就出嚟做自己嘅label。」而何哲圖接受傳媒訪問時表示:「好高興有前輩接手。」他稱不會用「失勢」角度去想,但問到會否招攬愛將菊梓喬、周柏豪等加盟新公司,他說:「現階段唔諗呢啲,先處理好新公司嘅事。」

曾志偉祝福余詠珊:新崗位上能夠勝任

對於新人事任命,曾志偉表示今日剛收到公司通知,他說:「希望何哲圖在外邊會有自己更佳的發展,而今次走馬上任,已正積極物色適合人才打造更多元化的音樂節目,並希望以音樂打破以往的界限和框架,還原香港音樂。」至於余詠珊調職,曾志偉同樣希望她於新崗位上能夠勝任,工作愉快。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner