安心出行︱記者走訪戲院 市民捧場攜「士啤機」盡量填表:X填!

更新時間 (HKT): 2021.02.18 16:42

武漢肺炎在港肆虐,全港戲院停業近78日,院方已損失多個入場黃金檔期,包括去年復活節、暑假、聖誕及今年農曆新年假期。今日初七終於重開,一眾「餓」咗好耐嘅戲迷,即刻一早到各大戲院搵一場好戲睇。

今早8時多,《蘋果》記者先到達屯門巴黎倫敦紐約戲院,實測首場電影《拆彈專家2》的售票情況。早上10時半再到旺角百老匯戲院,見10時幾購票大堂已經人頭湧湧,入場反應熱烈,不少戲迷心急捧場。

由於政府推「安心出行」,要求入戲院前掃碼又或手寫填上個人資料,不過「安心」一直惹爭議並非全民響應,「你有張良計,我有過牆梯」。《蘋果》記者今日到旺角百老匯戲院觀察並進行街訪,有觀眾表示為怕洩露私隱,拒用「安心」應用程式,反為較多人選擇手寫資料入場。

兩姊弟被問是否很久沒去戲院,妹妹開心說:「係呀!幾耐冇睇!」可愛的弟弟續道:「好耐啦!」今日來看《鬼滅之刃》,他們異口同聲講:「我哋好鍾意。」戴口罩的弟弟露出腰果眼:「有Tanjiro!」姊姊聽到即笑晒,問到今日到戲院要填寫資料,妹妹說:「用電話!」一早已下載App。

問及用手機App定資料,黑衫曲髮男Peter說:「是但啦!選擇手寫資料,X填囉,唔想自己資料被公開,若果真係要用安心出行,會用另一部『士啤機』下載個Apps去搞。」

身穿棕色外套、黑色Joker衫的阿Lam受訪時說:「好期待,由佢閂到而家,冇辦法!喺屋企睇住先,今次嚟睇《折彈專家2》。」見阿Lam有索取表格,他說:「咁都係公民責任嚟都要做,(手機)冇位裝APP,暫時都唔會下載,填表有好過冇喇!」

市民林先生表示期待重開,今日前來看《鬼滅之刃》,被問點解拒用「安心出行」二維碼是否怕資料被公開,他說:「類似啦!」為甚麼會擔心用安心出行應用程式,林先生解釋:「因為唔透明,填資料反而唔麻煩,我唔係好熟啲電子嘢,冇下載嗰個APP」。

林先生又指因疫情關係已減少外出堂食,叫外賣為主,問他為何在初七戲院重開第一天即前來,林先生說:「之前miss咗《鬼滅》見佢仲有得睇就嚟,心情開心!好耐冇睇所以想睇,之前有定期睇戲。」會否覺得戲院太遲重開,林先生坦言:「都會!因為疫情確診數字都差唔多,開唔開都冇分別。戲院冇必要閂,戲院有冇開,確診數字都冇咩分別,同埋冇咩邊單喺戲院爆發,我覺得戲院閂唔閂門都冇咩所謂。戲院防疫都OK,啲座位又隔開,已經好難同其他人接觸,加埋基本戴口罩,同定期消毒已經好夠,自己都會抹吓櫈。」

散場時,魏小姐稱再到戲院感覺難忘:「幾難忘,好耐冇嚟睇戲,都會想再嚟睇,因為差唔多一年冇嚟,所以幾好嘅體會。睇《折彈專家2》同場幾排滿咗,少少多人,一半一半有啲人填卷、有啲人用App。」她指進場前已安裝「安心出行」應用程式,魏小姐說:「都OK好快,掃瞄吓,唔太擔心私人問題。」被問會否擔心用Apps有機會洩露私隱,魏小姐並不擔心:「冇咩問題。」

被問會否「報復式」睇戲睇多幾場,魏小姐笑說:「唔會!冇錢,就嚟開學。」講到會否覺得戲院遲開,浪費新年黃金檔,魏小姐支持停業:「唔會!始終疫情有啲嚴重,如果真係想睇戲,喺屋企上網睇吓都OK,間唔中嚟一、兩次,閂戲院都係合適。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner