高先影院開幕網絡湧現「多謝高登先」字句 杜汶澤黃耀明齊慶賀

更新時間 (HKT): 2021.02.18 16:01
黃耀明同杜汶澤都不約而同「多謝高登先」。(資料圖片/網上圖片)

「多謝高登先」是今日在FB見到最多的一句,遠在台灣工作的杜汶澤,以及已移居外地的《十年》導演歐文傑等,都不約而同提到。原因是恭賀高先影院今日在堅尼地城開幕,同時感謝高先電影負責人曾麗芬(Winnie)對電影業的支持。

阿澤目前正身在台灣拍《尋找他媽的故事》,他昨日已預先在FB祝賀Winnie開戲院,亦佩服她的執着同堅持,阿澤話一直都有游說合作搞網上本土電影,形式類似Netflix,不過對方堅持「電影一定要響戲院上」,阿澤留言︰「我已經無氣,佢呢份執着,亦說服咗我自己。等咗咁多年,佢哋終於有屬於自己嘅戲院......香港電影,以後就靠妳喇!多謝高登先」。

感受至深的相信是同Winnie合作過《狂舞派》的監製陳心遙,他在FB開帖反問今時今日有錢的人,會做的不外乎炒樓、移民、掃Bit-coin,鋤強扶弱的會買多幾十手GME股票。他自言對電影不算鍾愛︰「因為如果我有錢,我都唔會選擇拎出嚟拍戲。但係香港有一個真係好鍾意電影嘅人,喺全世界都話戲院冇得做,電影人人上網睇嘅時候,仍然堅持投資去開一間全新嘅戲院,播放本土以至全世界嘅好電影畀香港人睇。我睇住佢點樣排除萬難,一關過一關,去圓佢呢個夢想,勇敢同硬頸嘅程度,一如10年前,堅持去投資一部冇人覺得有可能成功嘅港產片——《狂舞派》」。

另外,《十年》導演之一歐文傑、廣告創作人及專欄作家畢明及前DJ何嘉麗都在網上祝賀Winnie的戲院開張。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner