中學闖禍不斷 大牌檔飛簷跌傷 
ANSONBEAN被爆曾是問題少年

更新時間 (HKT): 2021.02.18 02:00

今年20歲的陳毅燊(ANSONBEAN)在《全民造星III》獲季軍後,憑跳唱功力及靚仔外形,輕易俘虜大批「豆迷」,日前他宣佈加盟古天樂、林建岳旗下的新公司Cool Style,成為公司首位藝人。人紅自然是非多,日前《蘋果》收到讀者Matthew爆料,自稱是ANSONBEAN同班同學,大爆對方14歲時曾因貪玩在簷篷「飛簷走壁」,跌穿頭成地血上港聞。在Matthew提供的新聞連結中,事發日期為2015年6月,當日兩名中學男生貪玩爬上赤柱大街牌檔的簷篷,被街坊發現喝止,惟簷篷疑不勝負荷,二人墮下倒地。警員接報到場,其中14歲男生頭部受傷,清醒送東區醫院治理,Matthew指該受傷男生正是ANSONBEAN。

蹺課被罰停學

除了在外「闖禍」,ANSONBEAN亦是老師眼中的「超級問題少年」,Matthew說:「我哋班同學私底下都有傾過佢係咪有過度活躍症,因為佢經常整親手扭傷腳,打石膏返學,中二嗰年我親眼見佢將條麻繩,擲上嗰把開着咗嘅風扇葉扮泰山,點知假天花唔受力,連埋風扇都跌落嚟,好彩人冇事。」Matthew更爆ANSONBEAN試過跳出圍欄做「逃學威龍」,被學校處罰停學兩星期︰「中五嗰年佢上完堂放小息,忽然爆咗學校大門個鎖,爬圍欄出去,全日冇上堂,佢本身住學校宿舍,嗰晚都冇返嚟,結果第二日畀人捉返學校,佢父母都有出現,被學校處罰停學兩個禮拜。」Matthew指ANSONBEAN成績中上,談到操行時則笑說:「我哋學校好free,學生好少因為髮型畀老師捉,但佢幾次剪個undercut頭返學,最後老師要佢剃光頭,咁耐以嚟都冇聽過學生要停學,咁你諗吓佢嘅操行成績係點?」他說ANSONBEAN中六時被父母送往英國讀書。

拍過幾次散拖

Matthew指ANSONBEAN對同學不錯,只是貪玩無時停,他又透露ANSONBEAN中學時很有異性緣,和同校女生拍過幾次散拖,最短幾個禮拜,最長只有一年。他說:「佢媽咪好嚴,講明唔畀佢拍拖,不過佢住宿舍,佢阿媽管唔到咁多。」Matthew更指每次都是ANSONBEAN主動提分手。

娛聞樂陪你走遍全球追星,即Like「娛果」FB 專頁!
BannerBanner