ANSONBEAN遭中同爆料 曾是「問題少年」闖禍上港聞

更新時間 (HKT): 2021.02.18 00:30

今年20歲、在《全民造星III》獲季軍的ANSONBEAN(陳毅燊),唱得跳得加上外形唔差,輕易俘虜大批「豆迷」。日前他正式宣佈加盟古天樂、林建岳旗下的新公司Cool Style,成為公司首位藝人。

ANSONBEAN食住個勢出道,加上公司後台夠硬淨,形勢大好,可是,人紅是非多是永恆不變定律,日前《蘋果》收到讀者Matthew爆料,他透露自己是ANSONBEAN的中學同學,踢爆ANSONBEAN中學時期好百厭,14歲那年因貪玩在簷篷「飛簷走壁」,結果跌穿頭成地血上埋港聞。在Matthew提供的新聞連結中,該則新聞顯示日期為2015年6月,新聞內容指有兩個中學男生,貪玩爬上赤柱大街排檔的簷篷,街坊發現後立即喝止,惟簷篷疑不勝負荷,2人突然墮下倒地。警員接報到場,調查事件原因,其中14歲男生頭部受傷,清醒送東區醫院治理。Matthew指該名受傷男生正是ANSONBEAN。

麻繩掛吊風扇扮泰山

除了「闖禍」上港聞,ANSONBEAN亦是全校老師眼中的「超級問題少年」。Matthew說:「其實我哋班同學,私底下都有傾過佢係咪有過度活躍症,因為佢隔一段時間,就會整親手扭傷腳,打石膏返學。記得中二嗰年,我親眼見佢將條綁報紙嘅麻繩,擲上嗰把開着咗嘅風扇葉扮泰山,點知假天花受唔到力,連埋風扇成個跌落嚟,好彩個人冇事!」

中學時期的ANSONBEAN,因百厭經常搞出大頭佛,據Matthew透露,ANSONBEAN亦試過爆學校鎖,跳出圍欄做「逃學威龍」,因為逃學被學校處罰,結果要停學兩個禮拜。「嗰年應該係中五,佢上完堂放小息嗰陣,忽然爆咗學校大門個鎖,之後再擒圍欄爬出去,全日冇上過堂。咁佢本身住學校宿舍,嗰晚佢都冇返嚟,結果第二日俾人捉返學校,佢父母都有出現,學校決定要處罰佢,停佢兩個禮拜學。」問到ANSONBEAN的學業成績,Matthew指屬中上,惟操行成績,Matthew笑住講:「其實我哋學校好free,學生好少因為髮型而俾老師捉,但佢之前試過幾次剪個undercut頭返學,最後老師要佢剃光頭,事實上,咁耐以嚟都冇聽過學生要停學,咁你諗吓佢嘅操行成績係點?」他指ANSONBEAN在中六時被父母送到英國讀書。

拍拖皆「短命」

另一方面,Matthew指ANSONBEAN其實對同學唔錯,只是貪玩一點和無時停,Matthew亦有透露ANSONBEAN讀中學時的感情生活,他指ANSONBEAN好有異性緣,和同校女生拍過幾次拖,但往往拍拖時間都很短,最短幾個禮拜,最長都只是一年。Matthew說:「佢媽咪喺呢方面好嚴,講明唔畀佢拍拖,不過佢住宿舍,佢阿媽管唔到咁多。」Matthew指ANSONBEAN的每段感情,都是男方主動提分手,估唔到年紀輕輕的ANSONBEAN,已是情場高手。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner