黃夏蕙晚巿放寬急搞88歲大壽逾80人到賀 劉錫賢財困新年見曙光

更新時間 (HKT): 2021.02.19 23:43

政府放寬晚市飲食時間至晚上10點及4人一枱,黃夏蕙急不及待今晚在尖沙嘴舉辦壽宴,宴請逾80人一同賀壽,圈中好友劉錫賢、陳靖允、江濤、魯振順等均現身到賀。

夏蕙姨身穿火紅色裝束現身,透露每年農曆初九生日,自稱孖8,年年88歲,生日願望充滿大愛,她說:「世界和平,疫症快走,人人有工開有飯食。」並笑言:「唔使收咩禮物,畀張卡我都好開心,大家互相問候吓,最緊要身體健康。」夏蕙姨趁食肆放寬,立刻和友人聚會,她說知道朋友也困在家中很久,今晚純粹和朋友開心食飯,顧及到疫情關係,有別於以往搞生日晚宴,謝絕慶祝表演活動。

陳靖允和劉錫賢由亞視年代老友至今,現時一起舉辦網台節目。今個新年肥仔賢家有白事:「媽咪年老,初一過咗身,正在籌辦身後事,舊年聖誕節時媽咪已經入過醫院,原本新年諗住接佢一齊慶祝,估唔到正準備過節之時就走咗。」由於有心理準備,他心情算平服,但始終會不捨得,本來肥仔賢要到內地隔離準備開工,但現時要延期。

肥仔賢早年和太太離婚,耗盡身家,近年與湖南女友相戀,女友返回湖南過年,戀人分隔兩地。至於現在財政狀況:「還好,我同靖允疫情下捱左半年網台零收入,幾經掙扎,終於牛氣沖天有新景象,過年後好多朋友主動接觸話想合作,好開心眼前望到有收入。」稍後計劃和護老院合作拍攝長者煮食片段、大灣區樓盤片段、以及和創世電視合作,希望來年在網台更多發揮,打出少少一片天。

陳靖允多年前曾參加第一屈《未來偶像爭霸戰》,相隔20多年後再出新歌,緊張得要修身準備:「跟得肥仔食得好嘢多,喺節目佢叫我肥婆奶奶,而家目標減20磅。」而肥仔為身體健康着想,要聽從醫生意見,於3個月內減8磅,二人互相鼓勵。

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner