曾志偉新官上任未有搞作 ViuTV下周連推兩個綜藝節目下戰書

更新時間 (HKT): 2021.02.19 17:36

TVB上月宣佈邀請了曾志偉回巢,擔任副總經理兼行政委員會特別顧問,昨日行政總裁李寶安派出通知公佈人事調動,何哲圖離開星夢,余詠珊被削權調離綜藝,志偉正式接手「死敵」的工作,名正言順負責綜藝及音樂製作。

曾志偉首要任務當然是要收復失地,皆因近年大台的綜藝節目可謂「一蟹不如一蟹」,獨沽一味主打煮食節目,反而主打實況娛樂的ViuTV極速冒起,《全民造星》系列更將TVB打到落花流水,早前更宣佈在4月舉行首屆自家音樂頒獎禮「CHILL CLUB推介榜年度推介20/21」。

曾志偉會出甚麼招數對撼,暫時都是未知之數,不過ViuTV方面亦作出準備,趁着對手未有新作,下周一(22日)先一口氣推出兩個全新的綜藝節目,在晚上10時30分,播出由何啟華 (Dee)和陳海寧 (Isabella)主持的《家多咗個PET》,他們會協助四個育有小孩的家庭領養狗狗,見證小孩學習照顧狗狗的過程,阿Dee笑說:「我覺得自己好似有好大功德,做多啲好事,個人都靚仔啲!」

到了晚上11時,再播出由火火(李家榮)、MIRROR成員Alton(王智德)和Tiger(邱傲然)主持的《克服他她它》,每集邀請不同嘉賓分享各自恐懼的事物,找來心理學家和精神科醫生分析和提供解決方法。在第一、二集內,邀請MIRROR的Jer(柳應廷)和Anson Kong(江𤒹生)做嘉賓,為了克服畏高症,他們先到主題公園挑戰摩天輪,接着再挑戰高空繩網和獨木橋。Jer見到高空繩網已經表示緊張到肚痛:「呢啲嘢喺人玩嘅咩?」Anson Kong挑戰高空獨木橋時,緊張得不停大叫:「唔得喇!」他更一度只敢以小碎步前行。

《家務戰場》今晚將會播映大結局,6位被視為「世界級港女」的馬俊怡(Rose Ma)、邱晴、陳婉婷(Hebe)、貝依霖(Chantale)、伍詠詩及王頌茵(Kathy仔)將會分組成功清潔三間嚇破膽的污糟屋,在節目結束之前,她們回到大屋共度最後一晚後,Chantale期間忍不住向Rose Ma大吐苦水:「有啲後悔參與拍攝節目,有咁hell嘅任務,又要洗人哋間屋,又要洗抽油煙機,又要湊人哋個仔⋯⋯」 Chantale更揚言:「完咗呢個節目之後,一生都唔會再洗爐頭。」Rose Ma亦附和地說:「一生都唔會再洗廁所。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner