歐倩怡會考5分遭Haters質疑用錢買學位 前新聞小花代還擊:抹殺別人嘅努力

更新時間 (HKT): 2021.02.19 19:18

現年41歲的歐倩怡(Cindy)當年憑《櫻桃小丸子》片尾曲《問題天天都多》唱到街知巷聞,在無綫拍攝旅遊特輯認識了郭晉安,2006年結婚後,育有一子一女,Cindy隨後淡出幕前專心相夫教子。

日前Cindy在社交平台上載戴四方帽的照片,開心宣佈成功以一級榮譽考獲食物及營養學榮譽理學士,但竟然遭到Haters攻擊,質疑她當年會考得5分仍可以讀大學,留言:「莫非老公有face」、「有人畀錢你慢慢實讀到!41歲唔得51歲都實得,一於再讀埋個博士先,阿旺你唔好咁快退休。」Cindy未有動氣,以正面態度回覆:「多謝大家有留意我,我真的用了很多時間心機去讀。」

事件反而引起前無綫新聞小花梁凱寧(Maggie)關注,替Cindy不值,在IG Story轉載Haters的留言後說:「抹殺別人嘅努力真係好簡單,好彩呢個世界仲有好多明白事理嘅人。多啲欣賞、少啲批評,呢個世界會美好好多,加油Cindy。」現年28歲的梁凱寧畢業於浸會大學傳理系,前年離開無綫新聞部主播崗位,曾為香港開電視主持節目《開嚟見我》,並在香港浸會大學傳理學院擔任客席講師,但她去年放下全職工作,再努力考進中大醫學院修讀碩士課程,與Cindy一樣好學不倦。

歐倩怡再進修體育及運動營養碩士

Cindy今日接受《蘋果》電話訪問,透露有先報讀基礎文憑課程,再進修營養學相關的高等文憑課程,今日的學士學位得來不易,她說:「我一直喺港大partime讀營養學,斷斷續續真係讀咗好多年,但其間我有去讀商科degree、又去城大讀心理學,仲學埋打鼓。因為好鍾意運動,現在再進修體育及運動營養碩士,畢業後可以做註冊運動營養師。」

Cindy自言現在是三棲發展,最近已簽約新公司,打算復出幕前演出,她說:「我而家好似打緊三份工,讀Master、入番娛樂圈,現在仲喺一個營養學家嘅實習生,生活好充實。」問到一對子女有沒有人照顧?Cindy說:「小朋友啲功課我都跟唔到,大仔13歲、細女10歲,佢哋都讀國際學校,英文仲叻過中文,所以喺屋企爸爸(郭晉安)都堅持『對住我要講中文』,哈哈。」

-----------------------------

《蘋果》英文版免費試睇:了解更多

英文版已登錄《蘋果》App,立即下載/ 更新iOS / Android

-----------------------------

支持蘋果深度報道,深入社區,踢爆權貴,即Like蘋果專題及調查組FB專頁

娛聞樂陪你走遍全球追星,即Like「娛果」FB 專頁!
BannerBanner